Sandara Parkបង្ហោះ​រូប​អាថ៌កំបាំង

Posted on
  • Monday, February 13, 2012
  • by
  • angco.co
  • in
  • Labels:

  • ក្រុម​តារា​ចម្រៀង​កូរ៉េ​ខាង​ត្បូង​ល្បីល្បាញ 2NE1 បាន​ធ្វើ​ការ​លម្ហែ​កាយ និង ថត​រូបភាព​នៅ​ក្នុង​ប្រទេស​ហ្វីលីពីនកាល​ពី​សប្ដាហ៍​មុន។ តាម​រយៈ​ការ​លម្ហែ​កាយ​នោះ Sandara Park តែង​តែ​បន្ត​បង្ហោះ​រូប​ភាព​សកម្មភាព​របស់​សមាជិក​ក្រុម 2NE1 របស់​គេ​នៅ​ក្នុង​ទីក្រុង​ម៉ានីល និង ទីក្រុង Albay ប៉ុន្តែ​ពេល​នេះ​​នាង​ស្រាប់​តែ​បង្ហោះ​រូប​ភាព​ថ្មី​អាថ៌កំបាំង​គួរ​ឲ្យ​ភ័យ​តក់​ស្លុត​ទៅ​វិញ។


    Sandara Park បាន​ត្រលប់​មក​កូរ៉េ​វិញ និង បាន​បង្ហោះ​រូប​ភាព​ថ្មី​អាថ៌កំបាំង​គួរ​ឲ្យ​ភ័យ​តក់​ស្លុត​នៅ​ក្នុង​គណនី​គេហទំព័រ me2day របស់​នាង​ដែល​ថត​ដោយ​បុគ្គលិក​ម្នាក់​របស់​ក្រុម 2NE1 នៅ​ទីក្រុង Albay កាល​ពី​ថ្ងៃ​ទី ៩ កុម្ភៈ។
    នៅ​ក្នុង​រូប​ភាព​ដែល​ថត​ដោយ​កាមេរ៉ា​ផ្ទាល់​ខ្លួន​នោះ​គឺ​ជា​នារី​មាន​សក់​វែង​ម្នាក់​ដែល​គេ​​មើល​មិន​ស្គាល់​ថា​ជា​នរណា។ នៅ​ក្នុង​ការ​បក​ប្រែ​ពី oh-dara.com និង  @WeLoveDara on Twitter Sandara Park បាន​សរសេរ​ថា  “នៅ​​រមណីយដ្ឋាន​ក្នុង​អំឡុង​រាត្រី​ចុង​ក្រោយ​នៅ​ប្រទេស​ហ្វីលីពីន​របស់​ពួក​យើង… ខ្ញុំ​បាន​ញ៉ាំ​អាហារ​ពេល​ល្ងាច​នៅ​ក្បែរ​អាង​ហែល​ទឹក​មួយ…​រូបភាព​នេះ​ថត​ដោយ​បុគ្គលិក​ម្នាក់​របស់​ពួក​យើង”។ នាង​បាន​បន្ថែម​ទៀត​ថា  “សូម​ពង្រីក​រូប​ភាព​នោះ​មើល​ទាំង​អស់​គ្នា! យើង​នឹង​ឃើញ​រូប​ស្ត្រី​សក់​វែង​ម្នាក់​ដែល​ស្លៀក​រ៉ូប… ប៉ុន្តែ​នៅ​ពេល​នោះ នៅ​កន្លែង​នោះ គឺ​គ្មាន​នរណា​ម្នាក់​នៅ​ទីនោះ​ឡើយ។ បើ​ទោះ​ជា​វា​មើល​ទៅ​មាន​លក្ខណៈ​ជា​មនុស្ស ប៉ុន្តែ​ខ្ញុំ​មិន​គិត​ថា​នោះ​ជា​មនុស្ស​នោះ​ទេ។ ពិត​មែន​ហើយ… តើ​រូប​ភាព​នោះ​ជា​អ្វី​ឲ្យ​ប្រាកដ? ខ្ញុំ​សូម​ទុក​រូបភាព​នេះ​សម្រាប់​អ្នក​រាល់​គ្នា​ធ្វើ​ការ​ស្រមៃ​មើល​ថា​តើ​វា​ជា​អ្វី?… មាន​របស់​ជា​ច្រើន​ដែល​មនុស្ស​នៅ​ក្នុង​ពិភព​លោក​មិន​អាច​ពន្យល់​បាន”។ ចំពោះ​រូប​ភាព​នេះ អ្នក​ដែល​ចូល comment ក្នុង​គណនី me2day របស់ Sandara Park មាន​ដល់​ទៅ ២.០០០ នាក់។
    Sandara Park, CL, Park Bom និង Minzy បាន​ទៅ​ដល់​ប្រទេស​ហ្វីលីពីន​នៅ​ថ្ងៃ​ទី ១ ខែ​កុម្ភៈ និង ចាក​ចេញ​នៅ​ថ្ងៃ​ទី ៥ ខែ​កុម្ភៈ​ឆ្នាំ​ ២០១២។
    តើ​ប្រិយ​មិត្ត​យល់​ថា​រូប​ថត​ដែល Sandara បង្ហោះ​នេះ​អាច​ជា​ខ្មោច​ដែរ​ទេ?



    0 comments:

    Please add comment to express your opinion, and share it on Twitter or Facebook. Thank you in advance.