Sabay ធ្លាប់បានបង្ហាញពីវត្តមានតារាចម្រៀងពេញនិយមផ្នែកនារី ជូនដល់ប្រិយមិត្តរួចមកហើយ ប៉ុន្តែសម្រាប់ថ្ងៃនេះ សូមនាំអារម្មណ៍ប្រិយមិត្តឲ្យស្គាល់តារាចម្រៀងពេញនិយមផ្នែកបុរសឆ្នាំ ២០១២ វិញម្ដង។ តារាចម្រៀងដែលពេញនិយម កាលពីឆ្នាំ ២០១១ បានបាត់មុខខ្លះ ហើយ Justin Bieber ដែលជាប់លំដាប់លេខ ១ បានខ្ទាតដល់លេខ១០។ ដូច្នេះ តើតារាណាខ្លះដែលនៅតែពេញនិយមសម្រាប់ឆ្នាំ ២០១២?
១០. Justin Bieber
វត្តមានអាល់ប៊ុមចម្រៀងទី ២ “Under the Mistletoe” របស់ Justin Bieber ដែលចេញកាលពីថ្ងៃទី ១ ខែវិច្ឆិកាឆ្នាំ ២០១១ កន្លងទៅនេះលក់ដាច់អស់ ២១០.០០០ កូពីក្នុងសប្ដាហ៍ដំបូង។ ហើយអាល់ប៊ុមទី ៣ “Believe” របស់គេដែលច្រៀងរួមជាមួយ Kanye West និង Drake ក៏មិនធម្មតាដែរ។
៩. David Guetta
ហេតុអ្វីបានជាDavid Guetta មានវត្តមានក្នុងតារាងនេះ? គ្មានអ្វីគួរឲ្យឆ្ងល់នោះទេព្រោះថា David Guetta បានបង្កើតបទចម្រៀងពីរោះល្បីៗជាច្រើនខណៈពេលដែលគេបានសហការច្រៀងជាមួយ Kid Cudi, Coldplay, Nicki Minaj, Taio Cruz និង Usher ។
៨. Pitbull
Give Me Everything របស់ Pitbull ដែលបានជាប់លេខ ១ នៅក្នុងតារាងចំណាត់ថ្នាក់បទចម្រៀង Billboard Hot 100 នៅតែជាបទដែលពេញនិយមតាមក្លឹបកម្សាន្តផ្សេងៗគ្នាជាច្រើន។ ហើយជាមួយនឹងអាល់ប៊ុមចុងក្រោយរបស់គេមានចំណងជើងថា Plane Pit ដែលចេញនៅពាក់កណ្ដាលខែមិថុនាឆ្នាំ ២០១១ និង ការចាកចេញពីផលិតកម្មJ Records ចូល RCA Records វិញក៏ធ្វើឲ្យឈ្មោះរបស់ Pitbull កាន់តែល្បីផងដែរ។
៧. Jason Derulo
៧. Jason Derulo
អាល់ប៊ុមចុងក្រោយ Future History (ចេញនៅថ្ងៃទី ២៧ ខែ កញ្ញា ឆ្នាំ ២០១១) និង បទចម្រៀង Don’t Wanna Go Home របស់ Jason Derulo បានឈរលើកំពូលតារាងចំណាត់ថ្នាក់បទចម្រៀងរបស់ចក្រភពអង់គ្លេស និង អូស្ត្រាលី។ ថ្មីៗនេះមានលេចឮដំណឹងថា Jason Derulo មានគម្រោងប្រគំតន្ត្រីទេសចរណ៍នៅចក្រភពអង់គ្លេសក្នុងខែកុម្ភៈនេះផងដែរ។
៦. Chris Brown
តារារូបនេះល្បីល្បាញជាមួយបទចម្រៀង With You, Forever និងបទចម្រៀងថ្មីសហការជាមួយតារាចម្រៀងសញ្ជាតិកាណាដា Justin Bieber មានចំណងជើងថា “She Ain’t You and Next 2 You”។
៥. Taio Cruz
អាល់ប៊ុមទី ៣ ដែលចេញបន្ទាប់ពីពិធីបុណ្យចូលឆ្នាំថ្មី ២០១២ មានចំណងជើងថា “TY.O” បានធ្វើឲ្យតារាចម្រៀងរូបនេះល្បីល្បាញ។ បទចម្រៀងដំបូងដែលបានផលិតឡើងក្នុងអាល់ប៊ុមនេះមានចំណងជើងថា Hangover(ចេញថ្ងៃទី ៤ តុលាឆ្នាំ ២០១១) និង បទទី២ មានចំណងជើងថា Troublemaker (ចេញថ្ងៃទី ២៦ ធ្នូឆ្នាំ ២០១១)។
៤. Adam Levine
Adam Levine ជាអ្នកច្រៀងនាំមុខម្នាក់នៅក្នុងក្រុមចម្រៀង Maroon 5 ដែលធ្វើឲ្យបទ Moves like Jagger របស់ក្រុមនេះជាប់ចំណាត់ថ្នាក់លេខ១។
៣. Drake
Drake ជាសិល្បករម្នាក់ក្នុងចំណោមសិល្បករជាច្រើនដែលជោគជ័យក្នុងការចេញអាល់ប៊ុមមុនឆ្នាំ ២០១១បានបញ្ចប់ដែលមានចំណងជើងថា Take Care (ចេញថ្ងៃទី ១៧ វិច្ឆិកា ឆ្នាំ ២០១១)។ ជាមួយនឹងបទចម្រៀង Dreams Money Can Buy, Marvin’s Room និង The Motto (សហការច្រៀងជាមួយ Lil Wayne) បទរបស់តារាចម្រៀងសញ្ជាតិកាណាដារូបនេះប្រហែលជាអាចឈរជើងលើកំពូលតារាង។
២. Usher
ដោយនៅកាន់តំណែង King of R&B ដែលទទួលស្គាល់ពីអ្នកចូលចិត្តតន្ត្រីពាសពេញពិភពលោក Usher នៅតែជាតារាចម្រៀងដែលអាចអង្រួនអារម្មណ៍ប្រិយមិត្ត។ ហើយបទចម្រៀង ” Without You” ដែលសហការជាមួយ David Guetta ក៏បានជាប់ចំណាត់ថ្នាក់ល្អនៅក្នុងតារាងចំណាត់ថ្នាក់ Billboard Hot 100 ។
១. Bruno Mars
តារាចម្រៀងពេញនិយម Bruno Mars បានទទួលការស្រលាញ់ពីមនុស្សជាច្រើននៅក្នុងពិភពលោក។
Bruno Mars ត្រូវបានគេតាំងនាមឲ្យដណ្ដើមពានរង្វាន់ Grammy ចំនួន ៦។ ក្នុងឆ្នាំ២០១១ បទចម្រៀង It will Rain របស់តារារូបនេះក៏បានឈរជើងនៅក្នុងតារាងចំណាត់ថ្នាក់បទចម្រៀង Billboard Hot 100 បានជាច្រើនសប្ដាហ៍ផងដែរ។
Bruno Mars ត្រូវបានគេតាំងនាមឲ្យដណ្ដើមពានរង្វាន់ Grammy ចំនួន ៦។ ក្នុងឆ្នាំ២០១១ បទចម្រៀង It will Rain របស់តារារូបនេះក៏បានឈរជើងនៅក្នុងតារាងចំណាត់ថ្នាក់បទចម្រៀង Billboard Hot 100 បានជាច្រើនសប្ដាហ៍ផងដែរ។
0 comments:
Please add comment to express your opinion, and share it on Twitter or Facebook. Thank you in advance.