អូស្ត្រាលីៈ ទឹកជំនន់​​រាល​​ដាល​ ជម្លៀស​ពល​រដ្ឋ​​មួយ​ទី​ក្រុង​

ពលរដ្ឋអូស្រ្តាលីរាប់ពាន់នាក់ បានបង្ខំចិត្តត្រូវចាកចេញពីផ្ទះសម្បែង គ្រាដែលទឹកជំនន់ដ៏ធំសម្បើម បានសំរុកឆ្លងកាត់បណ្តាតំ-
បន់ដែលមិនទាន់បានស្តាររួចរាល់ផង កាលពីគ្រោះទឹកជំនន់ដ៏ធ្ងន់ធ្ងរពីឆ្នាំទៅមិញ។

តំបន់ដែលគ្រោះថ្នាក់បំផុត គឺទីក្រុង St George ភាគខាងត្បូងរដ្ឋ Queensland ។ មនុស្សរាប់ពាន់នាក់ត្រូវបានជម្លៀសចេញ
ពីតំបន់នេះ បន្ទាប់ពីបានរងការជន់លិចដ៏ធ្ងន់ធ្ងរ ជាលើកទី៣ ក្នុងរយៈពេលមិនដល់ ២ឆ្នាំផងនោះ។

ទឹកទន្លេ Balonne នៅ St George បានឈានដល់កម្ពស់ ១៣,៤៨ ម៉ែត្រ កាលពីម្សិលមិញ ហើយនឹងបន្តឡើងដល់កំរិតកំពូល
១៤ ទៅ ១៥ ម៉ែត្រ និងចុងថ្ងៃស្អែកនេះ។

ទោះបីជាមានបទបញ្ជារឲ្យជម្លៀកចេញ តែមានពលរដ្ឋប្រមាណ ៤០០ នាក់ បន្តរស់នៅក្នុងទីក្រុង St George ។ អភិបាលរដ្ឋ
Queensland ប្រកាសថា តំបន់គ្រោះថ្នាក់បំផុតពេលនេះ គឺ St George។

ការជម្លៀសពលរដ្ឋមួយទីក្រុង ដែលពុំធ្លាប់មាននៅរដ្ឋនេះ បានប្រព្រឹត្តទៅក្នុងសណ្តាប់ធ្នាប់ -អភិបាលបានឲ្យដឹង។ មនុស្សប្រ
មាណ ១៧០០ នាក់ បានចាកចេញពីលំនៅដ្ឋាន ដោយមធ្យោបាយផ្ទាល់ខ្លួន ហើយប្រមាណ ៥០០ នាក់ទៀត ត្រូវបានជញ្ជូន
ចេញដោយឡានក្រុង និង យន្តហោះ។

តាមការព្យាករណ៍ បណ្តាផ្លូវហាយវ៉េនៅទីនោះ នឹងត្រូវទឹកជំនន់លិច ក្នុងរង្វង់ពេលពី ៥ ទៅ ៧ថ្ងៃទៀត។

រូបភាពទិដ្ឋភាពទឹកជំនន់ដ៏ធ្ងន់ធ្ងរនៅរដ្ឋ Queensland

Share