គេហទំព័រ Engadget បានឲ្យដឹងកាលពីថ្ងៃម្សិលមិញនេះថា ក្រុមហ៊ុន Micron Technology បានតែងតាំងលោក Mark Durcan ជានាយកប្រតិបត្តិថ្មី បន្ទាប់ពីអតីតនាយកប្រតិបត្តិលោក Steven R. Appleton វ័យ ៥២ ឆ្នាំ ទទួលមរណៈភាពដោយសារធ្លាក់យន្តហោះ នៅក្នុងអាកាសយានដ្ឋាន Idaho កាលពីថ្ងៃទី ៣ ខែកុម្ភៈកន្លងទៅនេះ។ ការបាត់បង់ថ្នាក់ដឹកនាំកំពូលរបស់ក្រុមហ៊ុនមួយនេះ ធ្វើឲ្យមានកំណែទម្រង់ភ្លាមៗក្នុងក្រុមហ៊ុន គឺបុគ្គលបង្គោលបីនាក់ត្រូវបានតំឡើងតួនាទី។
ក្នុងនោះរួមមាន លោក Mark Durcan បានចូលបម្រើការនៅក្នុងក្រុមហ៊ុន Micron តាំងពីឆ្នាំ ១៩៨៤ ព្រមទាំងបានបំពេញតួនាទីជាប្រធានតាំងពីថ្ងៃទី ៣ ខែកុម្ភៈម្ល៉េះ។ ស្របពេលជាមួយគ្នានេះដែរ លោក Robert E. Switz បានឡើងកាន់តំណែងជា អគ្គនាយកក្រុមប្រឹក្សាភិបាល និង Mark W. Adams ត្រូវបានតែងតាំងជាប្រធាន។
គួរបញ្ជាក់ផងដែរថា Micron Technology គឺជាក្រុមហ៊ុនពហុជាតិសាសន៍របស់អាមេរិក ដែលមានទីតាំងនៅ Boise, Idaho, សហរដ្ឋអាមេរិក និងមានភាពល្បីល្បាញខាងផលិត Semiconductor ដែលមានដូចជា DRAM, SDRAM, Flash memory, SSD និង CMOS image sensing chip ជាដើម។
លោក Steven R. Appleton
គ្រោះថ្នាក់ចរាចរលើអាកាសកន្លងទៅនេះ ពុំទាន់មានសារព័ត៌មាន ឬប្រភពពាក់ព័ន្ធណា បង្ហាញពី មូលហេតុបណ្ដាលមកពីអ្វីនៅឡើយទេ ហើយសម្រាប់តួលេខនៃការស្លាប់ក៏មិនទាន់បានបញ្ជាក់ដូចគ្នា។ Sabay កំពុងតែស្រាវជ្រាវរកព័ត៌មានលំអិតបន្ថែម ប្រសិនបើមានអ្វីupdate Sabay នឹងចេញផ្សាយនាលេខបន្ទាប់៕
រូបភាព៖ stateimpact.npr.org
0 comments:
Please add comment to express your opinion, and share it on Twitter or Facebook. Thank you in advance.