ក្រុមហ៊ុនបណ្ដាញ ទំនាក់ទំនងសង្គម Facebook បានប្រកាសកាលពីថ្ងៃ ពុធកន្លងទៅ នៅក្នុងសន្និសីទទីផ្សារ របស់ក្រុមហ៊ុនថា ការផ្សាយ ពាណិជ្ជកម្មពិសេស (Premium ads) នឹងឃើញនៅលើកម្មវិធីទូរស័ព្ទ និងលើ Logout screen លើកុំព្យូទ័រ ដែលនេះអាចនិយាយបានថា ជាការពង្រីកការផ្សាយពាណិជ្ជកម្មរបស់ Facebook ឲ្យបានកាន់តែច្រើនជាងមុន។
ការផ្សាយពាណិជ្ជកម្ម ដែលបង្ហាញនៅលើ News feeds របស់ទូរស័ព្ទ នឹងចេញក្នុងពេលឆាប់ៗនេះ រីឯការបង្ហាញនៅលើ Logout Screen របស់កុំព្យូទ័រនឹងចេញនៅមេសា។ បើរំលឹកទៅពីពេលមុនវិញ អ្នកប្រើប្រាស់ Facebook អាចឃើញការផ្សាយពាណិជ្ជកម្មតែនៅលើចំហៀងម្ខាងនៃទំព័រ និងនៅក្នុង News feed របស់កុំព្យូទ័រប៉ុណ្ណោះ។
គួរបញ្ជាក់ផងដែរថា ដំណើរឆ្ពោះទៅមុខនេះ គឺដោយសារតែ Facebook ជិតចូលខ្លួនទៅក្នុងទីផ្សារភាគហ៊ុនជាផ្លូវការហើយ ដូច្នេះចាំបាច់ត្រូវពង្រឹងពាណិជ្ជកម្មរបស់ខ្លួន ណាមួយ Twitter ក៏ទើបតែប្រកាសថានឹងបង្ហាញការផ្សាយពាណិជ្ជកម្មលើកម្មវិធីទូរស័ព្ទដែរ។
តើប្រិយមិត្តយល់ថា ការបង្ហាញពាណិជ្ជកម្មនៅលើទូរស័ព្ទជាការល្អ ឬជាការរំខាន?
0 comments:
Please add comment to express your opinion, and share it on Twitter or Facebook. Thank you in advance.