ទូរស័ព្ទ Galaxy Nexus ពណ៌សបង្ហាញខ្លួន នៅចក្រភពអង់គ្លេស នៅខែកុម្ភៈ

ក្រុមហ៊ុន Samsung កាលពីថ្ងៃចន្ទ ទី៦ ខែកុម្ភៈ ឆ្នាំ២០១២ បានប្រកាសជាផ្លូវការថា ទូរស័ព្ទ Galaxy Nexus ពណ៌ស នឹងមាននៅលើទីផ្សារ នៅចក្រភពអង់គ្លេស នៅថ្ងៃទី ១៣ ខែកុម្ភៈ ឆ្នាំ២០១២ខាងមុខនេះ ហើយទូរស័ព្ទ Galaxy Nexus ពណ៌សនេះ មានលក្ខណៈពិសេសជាមុន តែគ្រឿងម៉ាស៊ីនខាងក្នុង មានឧបករណ៍ ដូចស៊េរីមុនៗផងដែរ។

តាម Bgr បានឲ្យដឹងថា លោក Simon Stanford ប្រធានគ្រប់គ្រង់ក្រុមហ៊ុន ទូរស័ព្ទ Samsung នៅចក្រភពអង់គ្លេស បាននិយាយថា «បន្ទាប់ពីយើងធ្វើការគិតគូ យ៉ាងលំអិតរួចមក យើងពិតជាមាន ភាពរីករាយក្នុងការបង្ហាញវត្តមានទូរស័ព្ទ Galaxy Nexus ពណ៌ស ដែលវាជាប្រភេទទូរស័ព្ទមួយ ដែលពិភពលោកទទួលស្គាល់យ៉ាងខ្លាំង កាលពីវាបានបង្ហាញខ្លូនលើទីផ្សារកាលពីខែវិច្ឆិកា ឆ្នាំ២០១១ កន្លងទៅនេះ»។

លោកបានបន្តថា យើងពិតជាមានមោទនភាពណាស់ ចំពោះជោគជ័យ ដែលយើងអាចផ្តល់ជួនអតិថិជន នូវជម្រើសច្រើនយ៉ាងដល់ពួកគេ។ ទូរស័ព្ទ Samsung Galaxy Nexus ពណ៌សនេះ មានអេក្រង់ទំហំ ៤,៦៥អ៊ីញ អាចបង្ហាញរូបភាពនៅលើអេក្រង់បានពេញគឺ HD Super AMOLED display កម្មវិធីដំណើរការ ដោយប្រព័ន្ឋប្រតិបត្តិការ Android™ 4.0 Ice Cream Sandwich មាន resolution 720p ទំហំ  (1280×720) មានបំពាក់ processorប្រភេទ dual core ល្បឿលឿន 1.2GHz និងមានកាមេរ៉ាទំហំ ៥ម៉េហ្គាភិកសែល ថែមទាំងមានភ្ជាប់បច្ចេកវិទ្យា HSPA+ ដែលធ្វើឲ្យការប្រើប្រាស់អ៊ីនធឺណេត បានងាយស្រួល និងឆាប់រហ័ស៕

Share