ថ្មីៗនេះគេហទំព័រលក់ទំនិញអនឡាន Best Buy បានលក់បញ្ចុះតម្លៃ៥០ដុល្លារ លើ iPad 2 គ្រប់ស៊េរីទាំងអស់។ ដូចនេះអតិថិជនដែលចង់ទិញ iPad 2 ដែលមានតម្លៃធូរថ្លៃអាចចូលទៅកាន់ Best Buy បាន។ នេះដោយយោងតាមគេហទំព័រ geeky-gadgets ដែលបានចុះផ្សាយកាលពីម្សិលមិញ។
ប្រភពខាងលើបានឲ្យដឹងថាព័ត៌មាននេះមិនមែនជាការលក់បញ្ចុះតម្លៃតែមួយមុខទេ ប៉ុន្តែទំនងជាការលក់លាងឃ្លាំងដើម្បីស្វាគមន៍ iPad 3 ដែលនឹងអាចចេញលក់នៅខែក្រោយច្រើនជាង។ មានពាក្យចចាមអារ៉ាមខ្លះបានលើកឡើងថាiPad ស៊េរីក្រោយនេះនឹងប្រកាសនៅថ្ងៃទី៧ ខែមិនាខាងមុខនេះដោយភ្ជាប់មកជាមួយអេក្រង់ច្បាស់ត្រជាក់ភ្នែកប្រភេទ retina display, កាមេរ៉ាច្បាស់ជាងមុន និងប្រើ CPU ប្រភេទ A5X ឬ A6។
ក្រុមហ៊ុន Apple មិនបានចេញមុខមកបញ្ជាក់លើពាក្យចចាមអារ៉ាមខាងលើនេះទេ។ អីចឹងមានតែបន្តតាមដានជាមួយ Sabay នៅខែមិនាខាងមុខនេះទាំងអស់គ្នា៕
0 comments:
Please add comment to express your opinion, and share it on Twitter or Facebook. Thank you in advance.