ការសិក្សាថ្មីមួយរបស់ក្រុមហ៊ុនផ្តល់យោបល់អ៊ីនធឺណិត DeepField Networks ដោយបានវិភាគទៅលើចរាចរណ៍អ៊ីនធឺណិតពីក្រុមហ៊ុនចំនួន ៦ បានបង្ហាញថា ទោះច្បាប់អាមេរិកសម្រេចបិទគេហទំព័រចែករំលែកឯកសារ Megaupload ក៏ដោយ ក៏គ្មានឥទ្ធិពលអ្វីដល់ការទាញយកកម្មវិធីខុសច្បាប់តាមអ៊ីនធឺណិតដែរ។ នេះដោយយោងតាមគេហទំព័រ BGR។
លទ្ធផលនៃការវិភាគដោយយកទិន្នន័យចរាចរណ៍អ៊ីនធឺណិតពីក្រុមហ៊ុនចំនួន ៦ បានបង្ហាញថា Megaupload មានចំណែកធំនៅក្នុងការចែករំលែកឯកសារនេះ។ កាលពីមុនពេលដែលអ្នកច្បាប់អាមេរិកសម្រេចបិទ Megaupload ចរាចរណ៍របស់គេហទំព័រមួយនេះទទួលចរាចរណ៍អ៊ីនធឺណិតពី ៣០ ទៅ ៤០ ភាគរយឯណោះ។
ចរាចរណ៍អ៊ីនធឺណិតជុំវិញពិភពលោកបានធ្លាក់ចុះអស់ ២ ទៅ ៣ ភាគរយ បន្ទាប់ពី Megaupload ត្រូវបានបិទកាលពីថ្ងៃទី ១៨ ខែមករា កន្លងទៅនេះ។
ប៉ុន្តែអ្វីៗមិនដូចការរំពឹងទុករបស់ក្រុមហ៊ុនដែលសង្ឃឹមថានឹងទទួលបានប្រយោជន៍អាជ្ញាប័ណ្ណពីការបិទនេះឡើយ ព្រោះចរាចរណ៍អ៊ីនធឺណិតបានងាកទៅរក Rapidshare និង Mediafire វិញ។
នេះមានន័យថាការបិទ Megaupload ហាក់ដូចជាមិនមានផលប៉ះពាល់ដល់អ្នកប្រើប្រាស់កម្មវិធីអត់អាជ្ញាប័ណ្ណនោះទេ។ ដូច្នេះ ការយកចិត្តទុកពិសេសប្រហែលជាត្រូវងាកទៅរកអ្នកផ្តល់អ៊ីនធឺណិតនៅសហរដ្ឋអាមេរិក និង អឺរ៉ុបផ្សេងៗទៀតវិញ។
គួរបញ្ជាក់ផងដែរថា Megaupload ត្រូវបានបិទកាលពីថ្ងៃទី ១៨ ខែមករា កន្លងទៅនេះ ដោយបានចាប់ខ្លួនបុរសចំនួន ៧ នាក់រួមទាំងស្ថាបនិកគេហទំព័រ Kim Dotcom ដែលត្រូវបានរាយការណ៍ថាទទួលប្រាក់ចំណូលពីគេហទំព័រនេះប្រមាណ ៤២ លានដុល្លារកាលពីឆ្នាំ ២០១០ ផងដែរ។
អ៊ីចឹងតើ អ្នកច្បាប់អាមេរិកត្រូវ បិទគេហទំព័រផ្សេងៗទៀតដូចជា Rapidshare និង Mediafire ទៀតដែរឬទេ? ចុះបើបិទទៀត តើអ្នកប្រើប្រាស់អ៊ីនធឺណិតនឹងរងផលប៉ះពាល់បែបណា?
រូបភាព៖ BGR, pinoytutorial.com
0 comments:
Please add comment to express your opinion, and share it on Twitter or Facebook. Thank you in advance.