Michelle Williams ទាក់ទាញអារម្មណ៍​ លើក្របទស្សនាវដ្តី GQ

ប្រភពព័ត៌មានបរទេសនានា បានឱ្យដឹងកាលពីថ្ងៃទី០៦ ខែមករា ឆ្នាំ២០១២ នេះថា នាង Michelle Williams ដែលជាម្ចាស់ពានរង្វាន់គ្រង តំណែងរាជនី សម្រស់លំដាប់ពិភពលោក នៃរាត្រីពណ៌ខៀវ នៅហូលីវូដ ត្រូវបានគេប្រទះឃើញវត្តមាន របស់នាងក្នុងឈុតប៊ីគីនី បញ្ចេញកាយវិការអែនអន គួរឱ្យក្នាញ់បំផុត។

សភាពសិចស៊ីរបស់នាង Michelle Williams បាននឹងកំពុងស្ថិតនៅលើក្របទស្សនាវដ្តី GQ បោះពុម្ពផ្សាយ កាលពីពេលថ្មីៗកន្លងទៅនេះ ដោយតម្រូវឱ្យនាង ស្លៀកសម្លៀកបំពាក់ឈុតប៊ីគីនី បែបរាត្រី ញ៉ាំងឱ្យបុរសៗឈ្លក់វង្វេង ក៏ដូចជានារីៗច្រណែនទៅនឹងរូបសម្រស់របស់នាង ដែលស្រស់ស្អាតគ្មាន ក្រែងចិត្តនរណា ម្នាក់សោះ។ នាងមិនគ្រាន់តែបង្អួតសម្រស់របស់ខ្លួនតែនៅលើ ក្របទស្សនាវដ្តី GQ ប៉ុណ្ណោះទេ ជាមួយគ្នានោះនៅផ្នែកខាងក្នុងនៃទស្សនាវដ្តីនេះ ក៏បានបង្ហាញនូវ រូបភាពស្រើបស្រាលជាច្រើនទំព័រផ្សេងទៀត មានឈុតឆាកខ្លះមិនត្រឹមតែសិចស៊ី ស្ទើរអាក្រាត បញ្ចេញដើមទ្រូងមូលក្បំ ត្រកៀកសាយហំ ល្វែងជើងក្រោមតូច ស្រឡូន និងផ្នែកខ្លះទៀត ស្តែងឱ្យឃើញពីរូបភាព នៃរាងកាយអាក្រាតរបស់នាងទៀតផង ។

នាង Michelle Williams បាននិយាយថា នាងមិនខ្មាសអៀនក្នុងការបង្អួតសម្រស់របស់ខ្លួនទេ ទោះបីជាស្ថិតក្នុងស្ថានភាពបែបណាក៏ដោយ ព្រោះនេះជាការនិយម របស់នាង ដែលចូលចិត្តបង្ហាញឱ្យពិភពលោក ទទួលស្គាល់ពីសម្រស់ពីធម្មជាតិ ដោយគ្មានការកែកុនអ្វីទាំងអស់នោះ។ នាងបានបញ្ជាក់បន្ថែម ថា “នេះជាអ្វីដែលធ្វើឱ្យខ្ញុំកាន់តែស្គាល់ខ្លួនឯង និងជឿជាក់លើខ្លួនឯង កាន់តែខ្លាំងឡើងថែមមួយកម្រិតទៀត” ៕

Share