កាលពីពេលថ្មីៗនេះ ក្រុមហ៊ុន Swann បានបង្ហាញឧបករណ៍ថ្មីពិសេសមួយគូគឺ ប៊ិចកាមេរ៉ា HD PenCam និង PenCam 4GB សម្រាប់អ្នកចង់ថតវីដេអូដោយសម្ងាត់ ឬសម្រាប់ភ្នាក់ងារសម្ងាត់ក៏ថាបាន។ នេះដោយយោងតាមគេហទំព័រ Geeky-gadgets។
ប៊ិចកាមេរ៉ាទាំងពីរ សុទ្ធតែលាក់កាមេរ៉ា និងអង្គចងចាំនៅខាងក្នុង។ បើមើលពីក្រៅ ប្រាកដជាមិនដឹងថាមានកាមេរ៉ា និងអង្គចងចាំនៅក្នុងប៊ិចដ៏តូចបែបនេះនោះទេ។
HD PenCam មានថ្ម Lithium ion ដែលអាចសាកភ្លើងបានតាមរយៈ USB និងអាចប្រើសម្រាប់ថតវីដេអូបានរយៈពេល ៤៥ នាទី។ នៅផ្នែកខាងក្នុងរបស់ HD PenCam ក៏មានរន្ធអាចដោត microSD ដែលមានទំហំរហូតដល់ 16GB ផងដែរ។ ប៊ិចកាមេរ៉ា HD PenCam នឹងចេញលក់ឆាប់ៗនេះ ក្នុងតម្លៃប្រហាក់ប្រហែល ៩៩,៩៩ ដុល្លារអាមេរិក។
រីឯ PenCam 4GB SKU សាកថ្មម្តងអាចថតបានរយៈពេល ៩០ នាទី និងមានអង្គចងចាំទំហំ 4GB សម្រាប់ថតរយៈពេល ពីរម៉ោង ប៉ុន្តែគ្មានអង្គចងចាំបន្ថែមនោះទេ។ PenCam 4GB នឹងចេញលក់ក្នុងពេលឆាប់ៗនេះ ក្នុងតម្លៃប្រហាក់ប្រហែល ៦៩,៩៩ ដុល្លារអាមេរិក។
គួរបញ្ជាក់ថា វីដេអូដែលថតដោយប៊ិចកាមេរ៉ានេះសុទ្ធតែអាចចែករំលែកតាម Facebook, YouTube និងគេហទំព័រផ្សេងៗទៀត។
ចង់ប្រើប៊ិចកាមេរ៉ានេះទេ?
0 comments:
Please add comment to express your opinion, and share it on Twitter or Facebook. Thank you in advance.