មុនពេលព្រឹត្តិការណ៍សមាជទូរស័ព្ទពិភពលោកមកដល់ Sony មិនសូវបានបញ្ចេញព័ត៌មានច្រើនសម្រាប់ការធ្វើសន្និសីទកាសែតនៅថ្ងៃអាទិត្យឡើយ ប៉ុន្តែឥឡូវនេះស្រាប់តែមានរូបភាពទូរស័ព្ទស៊េរីថ្មីមួយចេះមើល គឺ Sony Xperia U។
ទូរស័ព្ទ Sony Experia U កាលពីមុនត្រូវបានគេស្គាល់ថាមានឈ្មោះកូដ Kumquat និងកូដផលិតផល ST25i។ នៅក្នុងរូបភាពនេះ គឺជាការប្រៀបធៀបរវាង Sony Xperia S ជាមួយ Sony Xperia U ដើម្បីចង់បង្ហាញថាទំហំរបស់ទូរស័ព្ទទាំងពីរនេះខុសគ្នាយ៉ាងណា។
Xperia U ត្រូវបាននិយាយថាមានអេក្រង់ qHD LCD ទំហំ ៣,៥ អ៊ីញ ដោយមាន Dual-core CPU ល្បឿន 1GHz និង RAM 512 MB។ រីឯទំហំកាមេរ៉ាវិញ គឺមានតែ 5MP ប៉ុន្តែបើធៀបជាមួយ Xperia S មានរហូតដល់ 12MP និងដំណើរការដោយប្រពន្ធប្រតិបត្តិការ Android 2.3 Gingerbread ហើយ Ice Cream Sandwich អាចចេញមកតាមក្រោយ។
អ្វីដែលជាចម្ងល់នោះគឺ មិនដឹងថា Sony Xperia U នឹងបង្ហាញខ្លួននៅ Barcelona នៅថ្ងៃអាទិត្យខាងមុខនេះឬក៏អត់ទេ អ្វីដែលយើងអាចធ្វើបានគឺមានតែរង់ចាំមើលអ្វីដែល Sony នាំយកទៅ។
រូបរាងប៉ុណ្ណេះ តើ Sony Xperia U អាចទាក់ទាញចិត្តប្រិយមិត្តដែរឬទេ?
0 comments:
Please add comment to express your opinion, and share it on Twitter or Facebook. Thank you in advance.