មតិជាច្រើនបានចោទសួរថា តើបណ្ដាញទំនាក់ទំនងឥតខ្សែដែលផ្ដល់លទ្ធភាពឲ្យមនុស្សគ្រប់ៗរូបអាចAccess អ៊ីនធឺណិតបាន(WiFi) អាចបណ្ដាលឲ្យបុរសអត់កូន? ប៉ុន្តែក៏នៅមានបុរសដែលប្រើប្រាស់Internet តាមរយៈWiFi មួយចំនួននៅតែចាប់អារម្មណ៍ រផ្ដោតខ្លាំងលើបញ្ហានេះនៅឡើយ ខណៈដែលមនុស្សមួយចំនួនធំគិតគូរពីបញ្ហានេះ។
កញ្ញា ឆឹង សុធារ័ត្ន និស្សិតឆ្នាំទី ៣ មុខជំនាញគណនេយ្យ សាកលវិទ្យាល័យបញ្ញាសាស្ត្រកម្ពុជា បង្ហាញពីការយល់ឃើញរបស់គេថា “ខ្ញុំប្រើWiFi ញឹកញាប់ដែរ ជាពិសេសតាមទូរស័ព្ទ ប៉ុន្តែមិនដឹងថា ប៉ះពាល់ឬអត់ទេ”។ និស្សិតរូបនេះបញ្ជាក់បន្ថែមថា កញ្ញាធ្លាប់ឮព័ត៌មានផ្សាយដែរ ប៉ុន្តែកាលនោះព័ត៌មានហ្នឹងបញ្ជាក់ថា ប្រើWiFi ហើយ ដាក់លើភ្លៅទៀតទើបប៉ះពាល់។ បើWiFi ប៉ះពាល់បែបនេះមែន មនុស្សច្រើនណាស់ មិនត្រឹមតែខ្មែរទេ ប្រាកដជាជួបបញ្ហាបង្កកំណើតជាមិនខាន។
បុគ្គលិកកំពុងបម្រើការងារនៅក្រុមហ៊ុនផ្គត់ផ្គង់សេវាទូរស័ព្ទមួយក្នុងរាជធានីភ្នំពេញ សង្វាត បានលើកឡើងដូច្នេះថា លោកមិនហ៊ានអះអាងថាចម្លើយលោកត្រូវមួយរយភាគរយទេ ប៉ុន្តែគ្រាន់តែចង់ចែករំឡែកចំណេះដឹងដែលខ្លួនមានថា រលកសញ្ញាឌីជីថលអាយុជីវិតអាចប៉ះពាល់ដល់កោសិកា និងចុះខ្សោយថាមពលអ្នកប្រើ ប៉ុន្តែត្រង់ថាប៉ះពាល់ដល់Spam រហូតអត់កូននោះលោកមិនហ៊ានអះអាងទេ។ “ប្រើប្រហែល ៣ទៅ ៤ ម៉ោងដែរក្នុងមួយអាទិត្យ…ប៉ះពាល់ក៏មិនធ្វើម៉េចដែរ នៅតែប្រើដដែលហ្នឹង ព្រោះយើងមិនមែនជាមេធំ មានជម្រើសច្រើនឯណា”។ មន្ត្រីរូបនេះបន្ថែម។
ជួបសម្ភាសន៍ជាមួយមន្ត្រីរបស់ISP មួយបានឆ្លើយតបថា បើទោះលទ្ធផលស្រាវជ្រាវរបស់បរទេសបញ្ជាក់ថា បុរសៗទទួលគុណវិបត្តិពីការប្រើប្រាស់យ៉ាងណាក៏ដោយ ក៏គេមិនហ៊ានអះអាងដែរ ព្រោះឈរលើមូលដ្ឋាន មិនមែនជាអ្នកជំនាញ។
យោងតាមរបាយការណ៍សិក្សាថ្មីមួយ បង្ហាញថា រលកសញ្ញា WiFi ពី កុំព្យូទ័ររបស់អ្នក អាចប៉ះពាល់ដល់មេជីវិតរបស់អ្នកប្រើប្រាស់បាន។ ក្រុមអ្នកស្រាវជ្រាវ បានយកទឹកកាមបុរស ២៩នាក់ មកធ្វើការពិសោធន៍ដោយយកទឹកកាមទាំងនោះទៅដាក់នៅក្រោមរលកសញ្ញា WiFi ដែលតភ្ជាប់ទៅនឹងកុំព្យូទ័រ។ បន្ទាប់ពីតាមដាន រយៈពេល ៤ម៉ោង គេសង្កេតឃើញថា មួយភាគបួននៃមេជីវិត លែងធ្វើចលនា ហើយ ៩ភាគរយផ្សេងទៀតបានបង្ហាញថា រងការបំផ្លាញ DNA។
នេះមិនមែនជាការសិក្សាលើកដំបូងទេ ដែលមានការសិក្សាពាក់ព័ន្ធនឹងការប្រើប្រាស់កុំព្យូទ័រនេះ។ ការសិក្សាមួយផ្សេងទៀត ដោយសាកលវិទ្យាល័យNew York សហរដ្ឋអាមេរិកបានរកឃើញថា កម្ដៅកុំព្យូទ័រអាចកើនឡើងដល់ ៤០ អង្សាសេ ដែលអាចបណ្ដាលឲ្យកម្ដៅនៅក្នុងអង្គជាតបុរសកើនដល់ជិត ១៩អង្សាសេ។
ហើយតើការកើនឡើងនេះប៉ះពាល់យ៉ាងណាដល់អ្នក? បើយោងតាមការសិក្សារបស់ European Fertility បានបង្ហាញថា ការកើនឡើងកម្ដៅត្រឹម ០,៥ អង្សារសេ ក្នុងអង្គជាតអាចកាត់បន្ថយចំនួនមេជីវិតរហូតដល់ជិត ៤០%។ ចុះទម្រាំដល់ ១៨អង្សាសេ វិញនោះតើបំផ្លាញប៉ុណ្ណា?
តើចាំទេថា ក្នុងមួយថ្ងៃមិត្តទាំងអស់គ្នាប្រើWiFi ប៉ុន្មានម៉ោង? បើមិនបានប្រើសោះ តើនៅកន្លែងធ្វើការមានWiFi ប្រើទេ?
0 comments:
Please add comment to express your opinion, and share it on Twitter or Facebook. Thank you in advance.