មនុស្សសប្បាយចិត្តច្រើន មានអត្រាការស្លាប់តិច

យោងទៅតាម ការសិក្សាស្រាវជ្រាវនៅក្នុងប្រទេសអង់គ្លេសសំរាប់រយៈពេល ៥ឆ្នាំ អ្នក​ដែលគ្មានទុកព្រួយនិងខ្វល់ខ្វាយ មិនប្រឈមមុខទៅនឹងមរណៈភាព ច្រើនដូចមនុស្សដែល​មិន​​​​​​​​​​​​​​​​សប្បាយចិត្ត ហើយក៏មិនបណ្តាលអោយពួកគេចំ​ណាយថវិកាក្នុងការព្យាបាលជម្ងឺឡើយ​។​ ចំណែកអ្នក​ដែលមានបញ្ហាតានតឹង ផ្សេងៗ ឬដោយសារតែកក្តាសេដ្ឋកិច្ចសង្គមយ៉ាប់យឺនពីមុន នឹងអាចធូរស្បើយ មកវិញ ដោយ​សារតែ​ការសប្បាយចិត្ត។

បើយោងទៅតាម ការពិនិត្យទិន្នន័យ​ដែល​ប្រ​មូល​​បានពីថ្ងៃតែមួយរបស់លោក Andrew Steptoe និង​លោក​ Jane Wardle​ ដែលជាអ្នកសិក្សារោគរាតត្បាតនៅ សាកលវិទ្យាល័យក្នុងទីក្រុងឡុង តាមរយៈកម្មវិធី the English Longitudinal Study of Aging​​ ដែលជាស្ថាប័នស្រាវជ្រាវធំបំផុត​នៅ​ក្នុង​ប្រទេស​អង់គ្លេស​បាន បង្ហាញថា មនុស្សចំនួន3,853នាក់ដែលមានអាយុចាប់ពី52​ ដល់ 79 ឆ្នាំ ត្រូវ បានគេសាកសួរដើម្បីធ្វើការកត់ត្រាអំពីលទ្ធផលបែបនេះ។

Image by Jonna_Asher

ការសប្បាយចិត្ត ការរំភើប និង ការពេញចិត្ត ធ្វើអោយមនុស្សមានអារម្មណ៍ល្អ​ និងអាយុវែង ចំពោះអ្នកដែលមានការព្រួយច្រើន ការអន្ទះសារច្រើន ការក្រៀម ក្រំច្រើន និង​ភ័យ​ខ្លាចច្រើន បណ្តាលអោយមានអារម្មណ៍មិនល្អ ហើយ ប្រឈមទៅនឹងជម្ងឺក៏ដូច​ជា​អត្រានៃការស្លាប់ខ្ពស់​ ។

នៅពេលដែលក្រុមអ្នកស្រាវជ្រាវក្តាប់បាន ពីចំណុចនៃក្តីអស់សង្ឃឹម និងក្តី មានសង្ឃឹមរបស់មនុស្ស ពួកគេ​បានធ្វើការបែងចែកប្រធានបទ នៃការសិក្សា អោយទៅជា 3ក្រុមដោយ​ផ្អែក​ទៅ​លើ​​កំរិតឥទ្ធិពលនៃក្តីមានសង្ឃឹម គឺកំរិតខ្ពស់ កំរិតមធ្យម និង​កំរិតទាប ហើយ​ធ្វើ​ការ​តា​ម​​​ដានជាមួយសមាជិក​នៃក្រុមនី មួយៗ​ក្នុងរយៈ5ឆ្នាំ​បន្ទាប់ ដើម្បីចង់ដឹង ថាតើនរណាខ្លះ​ ដែល​បានទទួលមរណៈភាព ​​មុន រវាង​​អ្នកព្រួយច្រើន និងអ្នកសប្បាយច្រើន​​។
នៅក្នុងក្រុមដែលមានក្តីសង្ឃឹមខ្ពស់ 3,6% នៃការអង្កេតឃើញថាមានការស្លាប់ នៅក្នុងក្រុមមធ្យម 4,6% នៃការអង្កេតឃើញថាមានការស្លាប់​ដែ ហើយនៅក្នុង ក្រុមដែលមានក្តីសង្ឃឹមទាប 7,3% នៃការអង្កេតឃើញថាមានការស្លាប់ខ្ពស់ ជាងគេ។

សរុបសេចក្តីទៅ នៅពេលដែលក្រុមអ្នកស្រាវជ្រាវបានត្រួតពិនិត្យអំពីកត្តា សេដ្ឋ កិច្ចសង្គម បញ្ហាសុខភាព ការក្រៀមក្រំ និងការបង្ហាញពីហេតុផលសុខភាព ផ្សេងៗទៀត លទ្ធផលបានបង្ហាញថាមនុស្សដែលមានក្តីសង្ឃឹមខ្ពស់ កំរិតនៃការ ស្លាប់កាន់តែមានការថយចុះជាងមនុស្សដែលសប្បាយចិត្តតិចតួច ។

ការខិតខំប្រឹងប្រែងរបស់ក្រុមអ្នកស្រាវជ្រាវថែមទាំងបានព្យាយាមបន្តទៀត នៅ ពេលក្រុមនេះបានដកទិន្នន័យចេញពីប្រធានបទ ដែលទាក់ទង នឹងការស្លាប់ របស់​មនុស្សក្នុងរយះពេល6ខែដំបូងបន្ទាប់ពីធ្វើការស្ទាបស្ទង់និងវាយតំលៃ។​ ឆ្លងកាត់តាមការអធិប្បាយ ខាងលើ លោក Andrew Steptoe និង​លោក​ Jane Wardle​ ចង់បង្ហាញថាមនុស្សដែលស្លាប់ មិនមែនបណ្តាលមកពីរោគរាតត្បាត ទាំងអស់នោះទេ ប៉ុន្តែការព្រួយ ការអស់សង្ឃឹម ការតក់ស្លុត​ ការក្រៀមក្រំ និង ហេតុផលផ្សេងៗទៀត ដែលធ្វើឲ្យអារម្មណ៍តប់ប្រម៉ល់ក៏ជាកត្តាញុំាងឲ្យមនុស្ស ថយអាយុផងដែ​រ ។

Share