នៅពេលដែលមនុស្សម្នាក់មានបំណងចង់ធ្វើការតមអាហារនោះ គេប្រាដកជាដាក់កំហិតទៅលើអ្វីដែលគេត្រូវបរិភោគ និងអ្វីដែលគេត្រូវផឹក ដើម្បីឲ្យគេទទួលបាននូវសុខភាពល្អ ឫក៏ដើម្បីសម្រកទម្ងន់ ។
ការអនុវត្តន៍នៃការតមអាហារដែលប្រកបដោយសុខភាពល្អ អាចជួយឲ្យសុខភាពទាំងមូលនៃអ្នកតមអាហារមានភាពកាន់តែល្អប្រសើរឡើង ។ ព្រមទាំងជួយការពារ នឹងជំម្ងឺផ្សេងៗ មានដូចជា៖ ជំម្ងឺទឹកនោមផ្អែម និងជម្ងឺបេះដូងជាដើម ។ ប៉ុន្តែនៅពេលដំណើរការនេះពុំត្រូវបានអនុវត្តន៍ឲ្យបានសមស្រប បុគ្គលនោះនឹងធ្លាក់ខ្លួនជាជនរងគ្រោះដោយប្រឈមមុខនឹងផលប៉ះពាល់អវិជ្ជមានផ្សេងៗ ដែលបណ្តាលមកពីការតមអាហារដូចជា៖ ការចុះខ្សោយនៃប្រព័ន្ធស៊ាំជាដើម ។ ផលប៉ះពាល់អវិជ្ជមាននៃការតមអាហារនេះអាចបង្អាក់ដល់សមត្ថភាព រាងកាយក្នុងការតស៊ូនឹងបម្លាស់ប្តូរនៃការតមអាហារ ហើយបានសម្របខ្លួនទៅតាមឥរិយាបទថ្មីមួយទៀត ។
ដើម្បីអាចយល់អំពីផលប៉ះពាល់អវិជ្ជមាននៃការតមអាហារនេះបាន ជាដំបូងអ្នកត្រូវតែយល់ដឹងអំពីបម្លាស់ប្តូរមួយចំនួនដែលត្រូវបានជួបប្រទះនៅក្នុងសារពាង្គកាយជាមុនសិន ដែលធ្វើឲ្យមានភាពខុសគ្នារវាង ភាពជោគជ័យ និងភាពបរាជ័យនៃការតមអាហារ ។
កាឡូរី
កាឡូរីមានភាពចាំបាច់ណាស់ក្នុងការផ្តល់ថាមពល និងជំនួយដល់ការថែទាំនៃមុខងាររបស់សារពាង្គកាយឲ្យមានភាពត្រឹមត្រូវ ។ ប្រសិនបើអ្នកទទួលយកកាឡូរីច្រើនពេក អ្នកមិនត្រឹមតែបង្កើននូវចំណុះខ្លាញ់ក្នុងសារពាង្គកាយអ្នកប៉ុណ្ណោះទេ ប៉ុន្តែអ្នកនឹងសង្កេតឃើញពីភាពខុសគ្នានៅពេលដែលអ្នកឡើងលើជញ្ជីង ។ ការទទួលទានកាឡូរីមិនគ្រប់គ្រាន់ អាចបណ្តាលឲ្យសារពាង្គកាយមានការឈឺចាប់ដោយសារតែឱនភាពនេះ ។
កាបូនអ៊ីដ្រាត (Carbohydrate)
ផលប៉ះពាល់អវិជ្ជមាននៃការតមអាហារមួយទៀត គឺមានទំនាក់ទំនងទៅនឹងការទទួលទានកាបូនអ៊ីដ្រាត ។ ជាទូទៅត្រូវបានគេសង្កេតឃើញថាដោយសារតែអ្នកតមអាហារពុំអាចធ្វើការបែងចែកឲ្យបានច្បាស់លាស់រវាងកាបូនអ៊ីដ្រាតដែលល្អ (good carb) និងកាបូនអ៊ីដ្រាតដែលអាក្រក់ (bad carb) ។
កាបូនអ៊ីដ្រាតគឺជាប្រភពថាមពលដ៍សំខាន់សំរាប់សារពាង្គកាយរបស់មនុស្ស ។ កាបូនអ៊ីដ្រាតដែលអាក្រក់ត្រូវបានរកឃើញនៅក្នុងប្រភេទអាហារ និងភេសជ្ជៈដែលមានជាតិស្ករ មានដូចជា៖ កូកាកូឡា ស្ករគ្រាប់គ្រប់ប្រភេទ ។ល។ ដើម្បីជៀសវាងពីផលប៉ះពាល់អវិជ្ជមាននេះ យើងគួរតែជ្រើសរើសកាបូនអ៊ីដ្រាតដែលល្អដែលអាចរកបាននៅក្នុងគ្រាប់ធញ្ញជាតិ បាយ ពោត ចេក ។ល។
សារធាតុសរសៃ(Fiber)
ផលប៉ះពាល់អវិជ្ជមាននៃការតមអាហារកើតឡើងនៅពេលដែលអ្នកតមអាហារ មិនទទួលជាតិសរសៃឲ្យបានគ្រប់គ្រាន់ ទៅក្នុងប្រព័ន្ធរបស់ពួកគេ ។ សារធាតុសរសៃមាននៅក្នុង ផ្លែឈើ និងសំបកផ្លែឈើមួយចំនួន(ប៉ោម) សណ្តែកគ្រប់ប្រភេទ គ្រាប់ផ្លែឈើ(គ្រាប់ល្ពៅ គ្រាប់ឳឡឹក) ។ល។ គេចែកសារធាតុសរសៃជាពីប្រភេទ សារធាតុសរសៃដែលរលាយ (solube fiber) និងសារធាតុសរសៃដែលមិនរលាយ (insolube fiber) ។
- សារធាតុសរសៃដែលរលាយអាចជួយកាត់បន្ថយកំរិតនៃចំនួនអង្គធាតុខ្លាញ់ដែលមាននៅក្នុងឈាម(Cholesterol) ។
- សារធាតុសរសៃដែលមិនរលាយជួយធ្វើការប្រយុទ្ធប្រឆាំងនឹង ការទល់លាមក ឫឫសដូងបាត ។
ប្រូតេអ៊ីន
ប្រសិនបើអ្នកតមអាហារ មិនទទួលទានអាហារដែលមានសារធាតុប្រូតេអ៊ីនឲ្យបានគ្រប់គ្រាន់ នោះពួកគេនឹងប្រឈមមុខនឹងផលអវិជ្ជមានមួយចំនួន ។ ប្រូតេអ៊ីនត្រូវបានប្រើប្រាស់ដើម្បីផលិតកោសិកាឈាមក្រហម ព្រមទាំងអង់ស៊ីម និងអ័រម៉ូន ។ ប្រូតេអ៊ីនមាននៅក្នុងសាច់ ទឹកដោះគោ ហ្រូម៉ាស់ ពងទា ។ល។ អ្នកតមអាហារអាចនឹងបាត់បង់សារធាតុប្រូតេអ៊ីនមួយភាគធំ ប្រសិនបើពួកគេជៀសវាងនូវអាហារទាំងអស់នេះ ។
ជាទូទៅផលប៉ះពាល់អវិជ្ជមាននៃការតមអាហារកើតឡើងនៅពេលដែលអ្នកតមអាហារដែលមានបំណងចង់សម្រកទម្ងន់ដោយបានដាក់កំហិតយ៉ាងខ្លាំងទៅលើរបបអាហាររបស់ពួកគេ ដោយពុំបានធ្វើការពិចារណាឲ្យបានច្បាស់លាស់អំពីផលអវិជ្ជមានទាំងឡាយ ។ ដែលអាចបង្កឲ្យមានផលប៉ះពាល់ទៅដល់ស្ថានភាពជីវិតយ៉ាងធ្ងន់ធ្ងរ មានដូចជា៖ ជម្ងឺប៊ូលីម័រ(Bulimia) ជម្ងឺអ៊ែណូរិកសៀ(Anorexia) និងការទទួលទានឥតឈប់ឈរ ។
- ប៊ូលីម័រ គឺជាផលប៉ះពាល់មួយដែលបណ្តាលមកពីការតមអាហារ ដែលជាជម្ងឺមួយប្រភេទដែលធ្វើឲ្យអ្នកជម្ងឺបរិភោគជាញឹកញាប់ហើយច្រើនហួសហេតុ ហើយបន្ទាប់មកជារឿយៗតែងតែមានការក្អួតចង្អោរ ។
- អ៊ែណូរិកសៀ គឺជាជម្ងឺខាងផ្លូវចិត្តម៉្យាងដែលធ្វើឲ្យធុញអាហារ ដោយសារតែមានភាពភ័យខ្លាចធាត់ហួសហេតុពេក ។
ដូច្នេះប្រសិនបើលាកអ្នកចង់ធ្វើការតមអាហារដើម្បីសម្រកទម្ងន់គួរតែធ្វើការពិចារណាឲ្យបានច្បាស់លាស់ ជាពិសេសគួរតែសុំការពិគ្រោះយោបល់ពីអ្នកជំនាញឯកទេស ឫក៏គ្រូពេទ្យជាមុនសិន ។
0 comments:
Please add comment to express your opinion, and share it on Twitter or Facebook. Thank you in advance.