sជាការពិតណាស់ការលាបសក់ពណ៌អាចបន្ថែមសោភ័ណភាពដល់ផ្ទៃមុខរបស់សុភាពនារីបានមួយកម្រិត ហើយបើសិនជាមិត្តនារីលាបពណ៌សក់ត្រូវតាមក្បួនខ្នាត នោះប្រាកដជាធ្វើឱ្យសក់មានភាពស្រស់ស្អាត រលោង អាចរក្សាពណ៌បានយូរ និងមិនមានបញ្ហាចំពោះស្បែកក្បាល និងសរសៃសក់ឡើយ ។ ប៉ុន្តែការលាបសក់ពណ៌ក៏ផ្តល់នូវផលប៉ះពាល់ដល់សក់ផងដែរ នៅពេលដែលយើងមិនបានយកចិត្តទុកដាក់នៅក្នុងការថែរក្សាឱ្យបានល្អ ឬក៏ជ្រើសរើសផលិតផលដែលមិនមានគុណភាពនោះ ។
ដូច្នេះដើម្បីឱ្យសក់ស្អាតមិត្តនារីគ្រប់រូបត្រូវជ្រើសរើសផលិតផល ដែលមានសារជាតិចិញ្ចឹមសរសៃសក់ ជាថ្នាំដែលមានជាតិជំនួយដល់សក់ គ្មានជាតិគីមី និងការពារសក់ ។ ចំពោះថ្នាំពណ៌លាបសក់ ដែលគ្មានគុណភាព អាចធ្វើឱ្យសរសៃសក់បាត់បង់ជាតិទឹក និងជាតិប្រេង និងអាចធ្វើឱ្យសក់ផុយស្រួយ បែកចុង ឆាប់បាក់ជាដើម ។ ដូច្នេះមិត្តនារីទាំងអស់ត្រូវប្រើប្រាស់ផលិតផលសម្រាប់ចិញ្ចឹមសក់ ដើម្បីការពារកុំឱ្យសក់ខូច ធ្វើឱ្យសក់នៅតែស្អាតបែបធម្មជាតិ ជាពិសេសមិនឱ្យសក់ត្រូវកម្តៅថ្ងៃញឹកញាប់ពេក ព្រោះកម្តៅថ្ងៃអាចធ្វើឱ្យសក់ឆាប់ខូច ។
សុភាពនារីគ្រប់រូបត្រូវគិតថា មានប្រភេទថ្នាំលាបសក់ខ្លះ នៅពេលលាបលើសក់ គឺអាចធ្វើឱ្យស្បែកក្បាលរមាស់ និងឡើងក្រហម ករណីទាំងនេះ គឺកើតឡើងដោយសារតែគុណភាព នៃផលិតផលមិនមានប្រភពច្បាស់លាស់ ។
ដូច្នេះដើម្បីឱ្យសក់ស្អាតមិត្តនារីគួរតែយកចិត្តទុកដាក់ឱ្យបានដិតដល់ចំពោះសក់ មិនត្រូវធ្វេសប្រហែសឡើយ ។ បើមានបញ្ហាចំពោះសក់ ស្ត្រីគ្រប់រូបគួរតែទៅពិភាក្សាជាមួយអ្នកជំនាញ ដើម្បីរកវិធីការពារ និងព្យាបាល ហើយអ្វីដែលពិសេសជាងនេះ គឺមិនត្រូវផ្លាស់ប្តូរពណ៌សក់ ញឹកញាប់ពេកទេ ចំណែកឯការគាបសក់ឬផ្លុំសក់ក៏មិនត្រូវធ្វើញឹកញាប់ពេកដែរ ៕
0 comments:
Please add comment to express your opinion, and share it on Twitter or Facebook. Thank you in advance.