តិចនិចដើម្បីត្រគាកស្អាត

       ក្រៅពីការថែស្បែក អោយស្អាតផូរផង់សព្វរាងកាយ ការថែរក្សា ត្រគាកអោយស្អាត ធំមូលក្លំ ក៏ជួយលើកសំរស់ស្រ្តីមិនតិចទេ ពិសេស ធ្វើអោយបុរសៗលួចក្នាញ់ស្រលាញ់ពេញចិត្ត

នៅពេលសម្លឹងមមើលរាងពីក្រោយ ... ។
  ១-ហាត់ប្រាណជាប្រចាំ ដោយការរត់រាំអ៊ែរ៉ូប៊ិក ឬធ្វើលំហាត់តាមផ្នែកផ្សេងៗ របស់រាងកាយ ។ ល ។ ព្រោះវាជាវិធីមួយ ធ្វើអោយត្រគាកស្អាតនិងណែនតឹងស្អាត
ឡើង ។ អ្នកដែលធាត់ឬស្គម អាចប្រើប្រាស់វិធីនេះបានដូចគ្នា ។
  ២-ទទួលទានអាហារ អោយគ្រប់៣ពេល និងជ្រើសរើសទទួលទានអាហារ ដែលមានគុណប្រយោជន៍ចំពោះរាងកាយច្រើនជាងការទទួលទានតាមចិត្តខ្លួនឯង ។ កាត់បន្ថយអាហារ ប្រភេទផ្រល់ថាមពលខ្ពស់ និងអាហាររសជាតិចាស់ ផ្អែមខ្លាំង ខ្លាញ់ច្រើន និងគួរពិសារទឹកដោះគោដែលគ្មានខ្លាញ់ប៊័រ ។
  ៣-ម៉ាស្សាជើង ភ្លៅ ផ្នែកខាងលើ ផ្នែកខាងមុខ និងក្រោយ ជាពិសេស ចំណុច តភ្ជាប់របស់គូទចុះមកក្រោម ។ ក្រៅពីនេះ ការម៉ាស្សា ជាការជួយជំរុញលំហូរចរន្តឈាម រួមទាំងកម្ចាត់វត្ថុពិសពុលកាកសំណល់ និងខ្លាញ់ដែលស្តុកគរទុក នៅក្រោមស្បែកផងដែរ ហើយគួរម៉ាស្សា ដោយក្រែមដែលប្រើសម្រាប់កម្ចាត់ខ្លាញ់នៅក្រោមស្បែកជាប្រចាំ ប្រសិន បើផ្អាកឬឈប់នោះ វានឹងពុំមានប្រសិទ្ធភាពទេ ។
  ៤-ការខាត់ស្បែក ជួយអោយការប្រេះស្រកាស្នាមជាំខ្មៅ ចែងថ្ងៃ កន្ទួលក្រហម និង ភាពក្រិនក្រោះរបស់ស្បែករលាយអស់ ។ ចូរធ្វើជាប្រចាំទើបវាមានប្រសិទ្ធភាព ។
  ៥-រកសម្ភារបន្ថែម ដោយប្រើឈុតទ្រាប់ ដើម្បីជួយសាងបុគ្គលិកលក្ខណៈល្អ និង រំលេចរូបរាងដល់អ្នក អោយមើលទៅមានរាងស្វែលជាងមុន មិនថាជាសុដន់ ចង្កេះក្បាល ពោះឬត្រគាកនោះទេ ។
  វិធីកម្ចាត់ខ្លាញ់បរិវេណត្រគាក
  ព្យាយាមជ្រើសរើសទទួលទានអាហារសមុទ្រអោយបានច្រើន ។
  ពិសាទឹក អោយបានមួយថ្ងៃ៨កែវ ។
  បរិភោគស្ពៃក្តោប និងចេក រាល់ពេល ។
  ឧស្សាហ៍ហាត់ប្រាណ អោយចេញញើសខ្លះ ... ។
  ព្យាយាមជំរុញលំហូរចរន្តឈាម នៅត្រង់ភ្លៅ ដោយការម៉ាស្សា ដោយកន្សែង ដៃជ្រលក់ទឹកក្តៅឧណ្ហៗអោយសើម ឬហ្វឹកហាត់ដេកដង្ហើមវែងៗ បែបយោគៈ (Yoga) ទើបទទួលលទ្ធផលគួរជាទីពេញចិត្ត ៕
  ទស្សនាវដ្ដី សម្រស់ស្រ្តី
  ឆ្នាំទី០១ ច្បាប់ទី ០៥ ប្រចាំថ្ងៃទី ០៧ កញ្ញា ០៦ តុលា ឆ្នាំ ២០០៦

Share