ទីភ្នាក់ងារព័ត៌មាន BBC ផ្សាយថា ក្រុមហ៊ុនដេញថ្លៃក្នុងប្រទេសរ៉ូម៉ានី បានលក់លាងឃ្លាំងនូវទ្រព្យសម្បត្តិជាស្បែកខ្លា សត្វព្រាប ធ្វើពីប្រាក់ និងគោព្រៃ ច្នៃពីសំរឹទ្ធិរួមទាំងវត្ថុរង្វាន់ និងវត្ថុអនុស្សាវរីយ៍ផ្សេងៗជាច្រើន ដែលជាទ្រព្យសម្បត្តិផ្ទាល់ ឬផលិតនៅក្នុងយុគសម័យរបស់មេដឹកនាំកុំមុយនីស្ត នីកូឡៃ សាវឆេស្គូ ។ មានមនុស្សទិញស្បែកខ្លាក្នុងតម្លៃ៣.៧៥០អឺរ៉ូ ខណៈពេលរូបគោព្រៃ ដែលលោកសាវឆេស្គូ បានទទួលពីលោកម៉ៅ សេទុង ត្រូវលក់ក្នុងតម្លៃ១២.០០០អឺរ៉ូ ។ ចំណែករូបសត្វព្រាប ដែលអតីតមេដឹកនាំរូបម៉ានី បានទទួលពីព្រះអង្គម្ចាស់ចា រ៉េសា ប៉ាឡាវី នៃប្រទេសអ៊ីរ៉ង់ ។
ក្រៅពីនេះក៏មានស៊ុមរូបថត ត្រារូបថតនិងទង់ជាតិដែលផលិតក្នុងសម័យកុំមុយនីស្តដែលទង់ជាតិខ្លះមានអាយុប្រហែល៧០ឆ្នាំ ក៏ត្រូវយកទៅដាក់ដេញថ្លៃ កាលពីថ្ងៃទី២៦ មករា កន្លងមក ។ ចាត់ទុកថា ជាការយកទ្រព្យសម្បត្តិរបស់លោកសាវឆេស្គូ លក់នៅលើទីផ្សារជាសាធារណៈជាលើកដំបូងក្នុងអំឡុងពេល១ទសវត្ស ។ លោកនីកូឡៃ សាវឆេស្គូ បានដឹកនាំប្រទេសរូម៉ានី ជាលក្ខណៈផ្តាច់ការក្នុងនាមជាអ្នកដឹកនាំគណបក្សកុំមុយនីស្ត ក្នុងរវាងពីឆ្នាំ១៨៩៥-១៩៨៩ មុនពេលទទួលការផ្តួលរំលំពីអំណាច កាលពីឆ្នាំ១៩៨៩ ។
អតីតមេដឹកនាំផ្តាច់ការ និងប្រពន្ធរស់នៅក្នុងស្ថានភាពថ្កុំថ្កើង ខណៈពេលប្រជាជន រ៉ូម៉ានី ភាគច្រើនត្រូវតស៊ូ នឹងភាពក្រីក្រ គ្មានអគ្គិសនី ប្រើប្រាស់ និងថែមទាំងត្រួតត្រាដោយបណ្តាប៉ូលិសសម្ងាត់ទៀតផង ។ ស្របពេលជាមួយគ្នានេះ លោកដាយអាណាដូស៊ី អ្នកប្រចាំការក្នុងបណ្ណាល័យរបស់រ៉ូម៉ានី បានបញ្ជាក់ប្រាប់ទីភ្នាក់ងារព័ត៌មានរ៉យទ័រថា មនុស្សជំនាន់នោះមានចំនួនដ៏តិចតួច ដែលដឹងថា មានអ្វីកើតឡើងក្នុងសម័យនោះ ៕
0 comments:
Please add comment to express your opinion, and share it on Twitter or Facebook. Thank you in advance.