24hPlus

នីហ្សេរីយ៉ាៈ យោងតាមទីភ្នាក់ងារ ព័ត៌មាន រ៉យទ័រ ចុះផ្សាយនៅរាត្រីថ្ងៃទី២២ ខែមករា ឆ្នាំ២០១២ ថា យ៉ាងហោចណាស់មានប្រជាជននៅ ភាគខាងជើង ប្រទេសនីហ្សេរីយ៉ា ចំនួន១៧៨នាក់បាត់បង់ជីវិត ដោយសារក្មាន់កាំភ្លើង និងការបំផ្ទុះគ្រាប់បែក នៅទីក្រុងកាណូ កាលពីចុងសបា្ដហ៍មុន ។

វេជ្ជបណ្ឌិតជាន់ខ្ពស់នៅមន្ទីរពេទ្យ ម៉ូថាឡា ម៉ូហាម នាទីក្រុង កាណូ បានឱ្យដឹងថា “មានប្រជាជន នីហ្សេរីយ៉ាចំនួន ១៧៨នាក់បានបាត់បង់ ជីវិត និងនៅពីរនាក់ទៀត កំពុងជួយសង្គ្រោះនៅឡើយ” ។

តាមការលើកឡើងរបស់ មន្ដ្រីមន្ទីរពេទ្យខាងលើបានបន្ដថា នៅមានជនរងគ្រោះ ជាច្រើននាក់ទៀត ដែលមិនទាន់បាន ប្រមូលទិន្នន័យអស់នោះទេ ព្រោះមានអ្នករងរបួសច្រើនទៀត កំពុងសម្រាកនៅមន្ទីរពេទ្យ ។

គួរបញ្ជាក់ថា ក្រោយពីមានក្មាន់កាំភ្លើងបាញ់ ប្រហារលើប្រជាជននីហ្សេរីយ៉ា និងបានបំផ្ទុះគ្រាប់បែក បណ្ដាលឱ្យមាន មនុស្សជាច្រើននាក់បាត់បង់ជីវិត លោកប្រធានាធិបតីប្រទេសនេះ បានបញ្ជាឱ្យកងកម្លាំង ប្រដាប់អាវុធរក្សាឱ្យបាន សុខសន្ដិភាពនៅទីក្រុងកាណូ និងបានដាក់ពង្រាយកងទ័ព ដើម្បីរក្សាសុវត្ថិភាព និងទប់ស្កាត់បាតុភាពកើតឡើងទៀត៕