ខេត្តក្រចេះ៖ បុរសពីរនាក់បានស្លាប់ នៅហ្នឹងកន្លែងគ្រោះថ្នាក់ចរាចរណ៍ កាលពីវេលាម៉ោង៨និង៣០នាទី យប់ថ្ងៃទី២៨ មករា ឆ្នាំ២០១២ នៅលើកំណាត់ផ្លូវក្រាលកៅស៊ូ ក្នុងទីប្រជុំជនមុខទីបញ្ជាការយោធាខេត្ត ចំណុចភូមិស្រែស្តៅ សង្កាត់អូរឫស្សី ក្រុងក្រចេះ ។
លោកវរសេនីយ៍ឯក ហន ប៉ូច ស្នងការរងកណ្តាលសណ្តាប់ធ្នាប់ បានឲ្យដឹងថា ក្រោយពីកើតហេតុរួច បុរសរងគ្រោះទាំងពីរនាក់ ត្រូវបានសមត្ថកិច្ចស្វែងរកអត្តសញ្ញាណ និងបានប្រគល់សាកសព្វទៅឲ្យក្រុមគ្រួសារដើម្បីធ្វើបុណ្យតាមសាសនា។ ចំណែកឯម៉ូតូ និងរថយន្តត្រូវយកទៅរក្សាទុកដើម្បីដោះស្រាយ។
ប្រភពបានបន្តថា ជនរងគ្រោះ(អ្នកបើក) ឈ្មោះ កឿន ទ្រាន អាយុ២៣ឆ្នាំ និងម្នាក់ទៀតឈ្មោះ ឡាង ត្រា អាយុ២៣ឆ្នាំ អង្គុយពីក្រោយបុរសរងគ្រោះទាំងពីរនាក់នេះ មានទីលំនៅភូមិមានជ័យ ឃុំថ្មី ស្រុកចិត្របុរី។
តាមសាក្សីដែលបានឃើញហេតុការណ៍ បាននិយាយថា នៅវេលាយប់កើតហេតុ បុរសរងគ្រោះទាំងពីរនាក់ បានជិះម៉ូតូម៉ាកហុងដារ ឌ្រីម C125 ពណ៌ខ្មៅ សេរីឆ្នាំ២០០៧ គ្មានស្លាកលេខ បើកបរពីកើតទៅលិច ក្នុងល្បឿនលឿន និងបានជ្រុលទៅបុកគូទរថយន្តម៉ាកកាមេរី គូទស្វិត ពណ៌ស ពាក់ស្លាក លេខ ភ.ព២ ០១៥៨ ជាកម្មសិទ្ធរបស់ឈ្មោះ អ៊ុច រ៉ាស៊ី អាយុ៥៦ឆ្នាំ ជាមន្ត្រីយោធាខេត្ត ដែលចតទុកចោលស្ងៀមនៅចិញ្ចើមផ្លូវខាងស្តាំដៃ។
សាក្សីបាននិយាយទៀតថា ម៉ូតូរបស់បុរសរងគ្រោះ បានបុកគូទរថយន្តពីក្រោយពេញមួយទំហឹង រហូតរុញរថយន្តធ្លាក់ស្នាមភ្លោះចិញ្ចើមផ្លូវ រីឯបុរសរងគ្រោះ បានផ្លោងបាក់ក ស្លាប់នៅហ្នឹងកន្លែងមួយរំពេច៕ source
0 comments:
Please add comment to express your opinion, and share it on Twitter or Facebook. Thank you in advance.