BMW ជាម៉ាករថយន្តដែលមានកេរ្តិ៍ឈ្មោះ និងមានការទទួលស្គាល់ពីអ្នកប្រើប្រាស់នៅជុំវិញពិភពលោកទាំងរូបរាង ការរចនា និងការបំពាក់នូវគ្រឿងបច្ចេកវិទ្យាទំនើបៗគ្មានគូប្រៀប។
ពេលនេះ Sabay សូមនាំអារម្មណ៍ប្រិយមិត្តក្រឡេកមើលម៉ូដែលរថយន្តស៊េរីឆ្នាំ ២០១៣ BMW 650i Gran Coupe ដែលជាស្នាដៃផលិតចុងក្រោយរបស់ក្រុមហ៊ុនផលិតរថយន្តដ៏ធំរបស់អាល្លឺម៉ង់ ថាតើវាមានលក្ខណៈពិសេស និងរូបរាងគួរឲ្យទាក់ទាញយ៉ាងណាខ្លះដែរ!
BMW 650i Gran Coupe ជាប្រភេទរថយន្ត Coupe បែបស្ព័រដ៏ទំនើបដែលមានលក្ខណៈពិសេសមិនចាញ់រថយន្តម៉ូដែលផ្សេងទៀតក្នុងខ្សែស្រឡាយ BMW 6 Series នោះទេ។ រថយន្តប្រភេទនេះបំពាក់មកជាមួយម៉ាស៊ីន V8 ចំណុះ ៤,៤ លីត្រ ដែលអាចផលិតថាមពលបាន ៤៤៥ សេះ និងកម្លាំងរមូល ៤៨០ ផោន-ហ្វីត ក្នុងបែបផែន ២០០០ជុំ/វិនាទី។ ជាមួយគ្នានេះដែរ BMW 650i Gran Coupe មានល្បឿនអតិបរមា ២៥០ គ.ម/ម៉ និងអាចបង្កើនសន្ទុះល្បឿនពី ០-៩៦គម/ម៉ ដោយប្រើរយៈពេល ៤,៦ វិនាទី។
អ្វីដែលកាន់តែពិសេស ក្រៅពីរូបរាងដ៏ស្រស់ស្អាតនោះវាក៏បានបំពាក់កម្មវិធីកម្សាន្ត ប្រព័ន្ធសុវត្ថិភាព និងបច្ចេកវិទ្យាទំនើបៗជាច្រើនផ្សេងទៀតដើម្បីផ្ដល់សុវត្ថិភាព ភាពរីករាយនិងទំនុកចិត្តសម្រាប់អ្នកបើកបរ និងអ្នករួមដំណើរ។
ប្រភព៖ Thesupercar
0 comments:
Please add comment to express your opinion, and share it on Twitter or Facebook. Thank you in advance.