24hPlus

ចំណាយ ៤៥.០០០ ផោន(៦៩.៥៤៦ ដុល្លារអាមេរិក)ទិញចិញ្ចៀនភ្ជាប់ពាក្យរូបបេះដូងសារភាពស្នេហ៍ដាក់មិត្តស្រី Rochelle Wiseman ពិតជាមិនទាន់គ្រប់គ្រាន់ទេសម្រាប់ Marvin Humes ដូច្នេះគេក៏ចំណាយ ៥០.០០០ ផោន(៧៧.២៨២,៩៣ ដុល្លារ)ទិញរថយន្តម៉ាក Range Rover Sport ជូនគូដណ្ដឹងថ្មីថ្មោងទៀត។

តារាចម្រៀងសមាជិកក្រុមចម្រៀងអង់គ្លេស JLS បានទិញរថយន្ត Rang Rover Sport ពណ៌សជូនគូដណ្ដឹងវ័យ ២២ ឆ្នាំ របស់គេនិងបានសរសេរថា “នរណាម្នាក់នឹងទទួលបានភាពភ្ញាក់ផ្អើលក្នុងពេលឆាប់ៗនេះ… សង្ឃឹមថាគេនឹងឆ្លើយតបមកវិញពេលដែលគេឃើញវា…”។

បន្ទាប់ពីទទួលបានរថយន្ត Rochelle បានតបថា “ឲ្យខ្ញុំ? នេះពិតជាកាដូភ្ជាប់ពាក្យល្អបំផុត! អ្នកពិតជាដៃគូដ៏ល្អ! ខ្ញុំស្រលាញ់មិត្តប្រុសខ្ញុំណាស់”។