Samsung ប្រកាសចេញ Tabet ស៊េរីថ្មីនៅក្នុង ព្រឹត្តការណ៍ MWC

បន្ទាប់ពីក្រុមហ៊ុន Samsung បានប្រកាសរំសាយចោល ពីការបង្ហាញនូវទូរស័ព្ទស្មាតហ្វូន Galaxy S III នៅក្នុងព្រឹត្តិការណ៍ «ជំរើសទូរស័ព្ទល្អបំផុត លើពិភពលោក (Mobile World Congress)» នៅខែកុម្ភៈ ខាងមុខឆាប់ៗនេះមក យើងទាំងអស់គ្នាកំពុងតែមានចំងល់ថា តើក្រុមហ៊ុន Samsung នៅកូរ៉េខាងត្បូងនឹងបង្ហាញអ្វី ជំនួសវិញ ។

ក្រុមហ៊ុន Samsung បានសន្យាថា និងយកវត្ថុដ៏គួរឲ្យចាប់អារម្មណ៍ ដើម្បីជំនួស Galaxy S III ។ បើយោងតាមព័ត៌មានពី Android And Me បានឲ្យដឹងថា Galaxy Tab បានទទួលការ Update នូវ processor ប្រភេទ Exynos 5250។ Tablet ជំនាន់ក្រោយនេះ នឹងមានគ្រឿងម៉ាស៊ីនបំពាក់ដូចជា Processor ប្រភេទ dual-core Exynos 5250 ល្បឿន 2GHz ដែលមានការបង្ហាញរូបភាព លើអេក្រង់មានទំហំធំជាង ១០អ៊ីញ ជាមួយនឹង resolution ប្រភេទ WXQGA ទំហំ 2560 x 1600 ភីកសែល ថែមទាំងដំណើរការកម្មវិធី ដោយប្រព័ន្ធប្រតិបត្តិការ ទំនើបចុងក្រោយបង្អស់ Android 4.0 Ice Cream Sandwich ។

គួរបញ្ជាក់ថា processor ប្រភេទ Exynos 5250 ដែលជាគ្រឿងបញ្ជាមួយថ្មី ទើបតែបង្កើត កាលពីខែវិច្ឆិកានេះ គឺជាប្រភេទ processor ទូរស័ព្ទដៃរបស់ក្រុមហ៊ុន Samsung’ ដំបូងគេ ដើម្បីបង្កើតបានអង្គគណនា Cortex-A15 CPU core ចុងក្រោយគេបង្អស់របស់ ARM ៕

Share