យោងទៅតាមប្រភពព័ត៌មានពីគេហទំព័រសិល្បៈដេលីឈីលី ចេញផ្សាយកាលពីថ្ងៃសុក្រ ទី២៧ មករា ឆ្នាំ ២០១២ បានឱ្យដឹងថា នាងអ៊ីឡា សមាជិកក្រុមតារាចម្រៀងតៃវ៉ាន់ S.H.E មានគម្រោងរៀបការជាមួយមិត្តប្រុសជនជាតិម៉ាឡេស៊ី គឺលោកអាល់វីនឡៃនៅឆ្នាំនេះ ។ ទោះបីជាមានការប្រកាសពីគម្រោងរៀបអាពាហ៍ពិពាហ៍នៅលើគេហទំព័រ Microblog របស់នាងអ៊ីឡាបែបនេះក្តី តែនាងមិនបានបង្ហាញកាលបរិច្ឆេទចូលរោងការឱ្យដឹងច្បាស់លាស់នៅឡើយទេ ។ រូបភាពនៅលើគេហទំព័រ Microblog របស់អ៊ីឡាបានបង្ហាញពីតួអង្គមិត្តប្រុសរបស់នាងដែលមានឈ្មោះអាល់វីន ឡៃជនជាតិម៉ាឡេស៊ីឈរកាន់ដៃជាមួយនាងបង្ហាញពីភាពផ្អែមល្ហែមជាមួយគ្នា តែនាងមិនបាននិយាយឱ្យដឹងលំអិតពីលក្ខណសម្បត្តិ និងមុខរបរអនាគតស្វាមីរបស់នាងនោះទេ ។
លោកអាល់វីន ម្ចាស់បេះដូងរបស់នាងបាននិយាយថា នេះគឺជាស្នេហ៍ពិតរបស់ខ្ញុំ ខ្ញុំស្រឡាញ់នាងខ្លាំងណាស់ ហើយខ្ញុំសូមសន្យាថានឹងផ្តល់សុភមង្គល និងរួមរស់ជាមួយនាងជារៀងរហូត ៕
0 comments:
Please add comment to express your opinion, and share it on Twitter or Facebook. Thank you in advance.