គេហទំព័រ GSMArena បានឲ្យដឹងកាលពីថ្ងៃម្សិលមិញនេះថា ថ្មីៗនេះគេបានប្រទះឃើញរូបភាពជាលើកដំបូងរបស់ទូរស័ព្ទ Nokia N9 ដំណើរការប្រព័ន្ធប្រតិបត្តិការ Android ជំនាន់ចុងក្រោយគឺ Android 4.0 Ice Cream Sandwich។
នេះអាចជារឿងមួយដែលមិនគួរឲ្យជឿ ព្រោះ Nokia N9 ជាទូរស័ព្ទដែលដំណើរការដោយប្រព័ន្ធប្រតិបត្តិការ MeeGo ហើយមិនបានរចនាឡើងសម្រាប់ Android នោះទេ។ ទោះជាយ៉ាងណា អ្វីក៏អាចកើតឡើងបានដែរ ទោះ N9 មកជាមួយ MeeGo ក៏គេអាចប្រើ Android ជំនួសវិញបានដែរ។ រូបភាពដ៏គួរឲ្យចាប់អារម្មណ៍នេះអាចជួយឲ្យអ្នកប្រើប្រាស់ Nokia N9 មានសង្ឃឹមថាអាចបានប្រើ Android 4.0 Ice Cream Sandwich លើទូរស័ព្ទរបស់ខ្លួនហើយ។
ទូរស័ព្ទ N9 ដំណើរការដោយ Android Ice Cream Sandwich
មនុស្សភាគច្រើនសុទ្ធតែដឹងហើយថា Nokia N9 មានលក្ខណៈពិសេសផ្នែករឹងល្អ ប៉ុន្តែប្រព័ន្ធប្រតិបត្តិការវិញ ហាក់ដូចជាមិនសូវពេញនិយមនោះទេ។ ដូច្នេះ Developer ក៏ប្រាកដជាមិនចំណាយពេលទៅបង្កើតកម្មវិធីសម្រាប់ប្រព័ន្ធប្រតិបត្តិការនេះដែរ។
ប៉ុន្តែអ្វីដែលគួរឲ្យស្តាយបំផុតនោះគឺ នេះគ្រាន់តែជារូបភាពប៉ុណ្ណោះ ដោយពុំមានការបង្ហាញពីរបៀប Port យក Android 4.0 Ice Cream Sandwich មកប្រើលើ Nokia N9 ឡើយ។ អ្វីដែលយើងអាចដឹងបានគឺ Nokia N9 ក៏អាច Boot Android 4.0 Ice Cream Sandwich បានដែរ។
មានប្រិយមិត្តកំពុងប្រើ Nokia N9 ហើយចង់សាកល្បង Android 4.0 Ice Cream Sandwich ទេ?
0 comments:
Please add comment to express your opinion, and share it on Twitter or Facebook. Thank you in advance.