នៅពេលក្លាយជាម្តាយឪពុកក្មេងជាលើកដំបូង អ្នកប្រហែលជាយល់ថា ខ្លួនអ្នកដូចជាតក់ ស្លុត និងស្មុគស្មាញចំពោះមនុស្សគ្រប់គ្នាដែលចង់ផ្តល់ជាគំនិតយោបល់ និងរាល់ប្រភពព័ត៌មាននានាជាពុំខាន ។
អ្នកនឹងជួបប្រទះនូវព័ត៌មានដ៏ចំរូងចំរាសជាច្រើនអំពីការធ្វើយ៉ាងណាទើបក្លាយជាម្តាយឪពុកក្មេងដ៏ល្អបាន ជាពិសេសនៅពេលក្មេងយំជាទំលាប់មិនឈប់នោះ ។ ទោះជាយ៉ាងណា ដំណោះស្រាយធ្វើឲ្យទារកគេងពេញមួយយប់មិនមែន ជារឿងដ៏ពិបាកធ្វើ ប៉ុន្តែវាក៏មិនមែនងាយស្រួលដូចដែលអ្នកចង់បានងាយៗនោះដែរ ។ ខាងក្រោមនេះគឺជាមូលហេតុ និងដំណោះស្រាយមួយចំនួនសម្រាប់អ្នក ។
១.សូមចាំថាទារកមិនមានសមត្ថភាពខាងរាងកាយក្នុងការគេងពេញមួយយប់បាន នោះទេ ។ ទារកទើបតែនឹងកើតមានតម្រូវការផ្នែកសេរីរាង្គកាយត្រូវបៅទឹកដោះរៀងរាល់ពីរទៅបីម៉ោងម្តង ។ ការចង់ធ្វើឲ្យទារកតូចគេងលក់ពេញមួយយប់ទៅបានអាចបង្កជាបញ្ហា គ្រោះថ្នាក់ដល់សុខភាពទារក ។ ទារកទើបនឹងកើតត្រូវការបៅឲ្យបានញឹកញាប់គឺរយៈពេលរៀងរាល់២ម៉ោងម្តងជានិច្ច ។ កាលណាទារកមានអាយុពី៣ទៅ៤ខែទើបសុខភាពទារកអាចរឹងមាំបានល្អ ដូចនេះទារកនោះអាចគេងលក់ពេញមួយយប់បាន ។
២.មានវេជ្ជបណ្ឌិតជាច្រើននាក់សន្មត់ថាទារកអាយុ៤ខែជាវ័យដែលទារកអាចគេងពេញមួយយប់ដោយមិនចាំបាច់បៅឬក៏ញ៉ាំអ្វី ។ ប្រសិនបើអ្នកមានអារម្មណ៍ថា អ្នកមិនបានគេងលក់ស្កប់ទេនោះ សូមកំណត់ខ្លួនឯងដោយចូលគេងនៅពេលណាទារកតូចគេងដែរ ហើយសូមកុំព្យាយាមធ្វើឲ្យទារកគេងពេញមួយយប់តាមតែការងោកងុយរបស់អ្នកនោះឲ្យសោះ ។
៣.សូមបំបៅទារកភ្លាមៗមុនពេលដែលអ្នកចង់ឲ្យវាគេង ។ យកល្អគឺធ្វើឡើងមុនពេលអ្នកចូលគេងនាពេលយប់ ។ ក៏ប៉ុន្តែ គ្រូពេទ្យជំនាញមួយចំនួនបានផ្តល់ដំបូន្មានជំទាស់ទៅនឹង ប្រការនេះដោយសារតែពូកគេយល់ថា ទារករបស់អ្នកនឹងមានទំលាប់ពឹងផ្អែកតែទៅលើអាហារដើម្បីធ្វើឲ្យខ្លួនគេគេង ។ ប៉ុន្តែតាមរយៈជីវសាស្រ្តបានឲ្យដឹងថា ទារកទាំងឡាយនឹងចូលគេងបន្ទាប់ពីពួកគេញ៉ាំឆ្អែត ដូចនេះវាប្រសើរជាងពួកយើងនាំគ្នាប្រឆាំងនឹង លក្ខណៈពិតពីធម្មជាតិបែបនេះ ។
៤.សូមព្យាយាមជ្រើសរើសនូវពេលវេលាគេងណាមួយឲ្យបានត្រឹមត្រូវសម្រាប់ទារករបស់អ្នក ។ ដើម្បីឲ្យទារកតូចឆាប់គេងនាពេលយប់ សូមរៀបចំរកកន្លែងឲ្យគេគេងមុនពេលគេងងុយគេងខ្លាំង ។ ទារកដែលហត់នឿយខ្លាំងជ្រុលនឹងពិបាករកពេលវេលាណាមួយដើម្បីគេងឲ្យបានច្បាស់លាស់ណាស់ ហើយគេងទ្រមក់ជាងទារកដែលអ្នកបានរៀបចំកន្លែង ឲ្យវាគេងមុនពេលវាងងុយ ។
៥.សូមប្រុងប្រយ័ត្នមុនពេលដែលលើកបីទារករបស់អ្នកនៅពេលដែលគេភ្ញាក់ដឹងខ្លួននៅពេលយប់ ។ ប្រសិនបើគេពិតជាស្រែកយំដោយភាពឈឺចាប់នោះ សូមលើកបីគេឡើង និងសូមលួងគេភ្លាមៗ ។ ធ្វើបែបនេះ ទារកតូចនឹងមានអារម្មណ៍កាន់តែស្ងប់ឡើងដោយហេតុតែគេយល់ថា តម្រូវការរបស់គេមានអ្នកជួយឈឺឆ្អាលមិនមែនមិនដឹងមិនឮនោះទេ ។ សូមព្យាយាមស្វែងយល់ដោយខ្លួនអ្នកផ្ទាល់ថាតើភាពខុសគ្នារវាងតម្រូវការរបស់ទារកពីការថ្នាក់ថ្មមរបស់ម្តាយឪពុកចំពោះគេ និងការយំធម្មតារបស់ទារកខុសគ្នាបែបណា ។ មានទារកខ្លះមានអាការដូចជាក្រញេក្រញូវនៅពេលគេចង់គេងប្រសិនណាអ្នកលើកបីគេនោះ គេនឹងភ្ញាក់វិញជាពុំខាន ។ តែប្រសិនណា អ្នករង់ចាំមើលរយៈពេល២ទៅ៣នាទីក្រោយមកនោះ ប្រហែលជាគេនឹងគេងលក់ដោយខ្លួនឯងវិញជាក់ជាពុំខាន ។
៦.សូមរក្សា និងបង្កនូវលក្ខណៈអំណោយផលល្អៗចំពោះការគេងរបស់ទារក ។ ដូចជាអ្នកអាចធ្វើឲ្យទារកគេងបានយ៉ាងងាយប្រសិនបើគេស្ថិតនៅក្នុងបន្ទប់គេងមិនសូវចាំងពន្លឺ និងទារកគេងមានខ្នើយព្រមជាមួយក្រណាត់រុំទន់ៗ ។ រីឯសំលេងស្រាលៗតិចៗដូចជាសំលេងវិលរបស់កង្ហា និងសំលេងទូទៅនៅក្នុងបន្ទប់ក៏ជាកត្តាចំបាច់មួយសម្រាប់ការគេងរបស់ទារកផងដែរ ៕
0 comments:
Please add comment to express your opinion, and share it on Twitter or Facebook. Thank you in advance.