ដោយសាតែមានការយល់ដឹងពីជំងឺមហារីកសុដន់បានកើនឡើង ក្រុមអ្នកស្រាវជ្រាវកំពុងតែខំបង្កើតប្រភេទថ្នាំព្យាបាលខុសៗគ្នាជាច្រើនដើម្បីទប់ស្កាត់ជំងឺមហារីកសុដន់ ។ វេជ្ជបញ្ជាជាច្រើនក្នុងចំណោមវេជ្ជបញ្ជាពេទ្យទាំងឡាយបានបង្ហាញពីប្រសិទ្ធភាពអវិជ្ជមាន ។ ដោយហេតុនេះហើយទើបស្ត្រីទាំងឡាយកំពុងតែស្វែងរកឱសថណាផ្សេងមួយទៀតដើម្បីព្យាបាល និងទប់ស្កាត់ការចាប់ផ្តើមជំងឺមហារីកសុដន់ ។
១-ស្ត្រីនៅក្នុងបណ្តាប្រទេសមួយចំនួនក្នុងទ្វីបអាស៊ីមានមធ្យមភាគកើតជំងឺមហារីកសុដន់ទាបជាងស្ត្រីនៅទ្វីបអ៊ឺរ៉ុប និងស្ត្រីអាមេរិកដែលធ្វើឲ្យក្រុមវេជ្ជបណ្ឌិតសំឡឹងមើលលើបញ្ហាចំណីអាហារជាប្រការដែលអាចព្យាបាល និងទប់ស្កាត់បាន ។
២-ទទួលទានថ្នាំប្រភេទវីតាមីន B12 ជារៀងរាល់ថ្ងៃ ។ កង្វះជាតិវីតាមីន B12 នឹងនាំទៅរកមហន្តរាយផ្នែកសរសៃប្រសាទ និងជំងឺខ្វះឈាមក្រហម ។ វីតាមីន B12 មាននៅក្នុងប្រភេទអាហារជាច្រើនដូចជាត្រី សាច់ និងអាហារប្រចាំថ្ងៃនានា ។គ្រាប់ថ្នាំវីតាមីន B12 ក៏អាចរកបាននៅតាមឱសថស្ថាននានាផងដែរ ។
៣-ទទួលទានបន្លែអោយបានច្រើនរួមមានដូចជាស្ពៃ ផ្កាខាត់ណា និងស្ពៃក្តោបជាដើម ។ ប្រភេទអាហារទាំងនេះមានជាតិ sulforaphane ដែលជួយបង្កើនកំរិតអង់ស៊ីមពីរប្រភេទដែលប្រឆាំងនឹងរោគមហារីកនៅក្នុងខ្លួន ។
៤-ទទួលទានតែបៃតងឲ្យបានចំនួន២០០ក្រាមជារៀងរាល់ថ្ងៃ ។ ការទទួលទានតែបៃតងច្រើនធ្វើឱ្យឱកាសនៃការកើតមានរោគមហារីកសុដន់មានកម្រិតទាប ។ សារធាតុ EGCG រឺ epigallocatechin-3 ត្រូវបានគេរកឃើញនៅក្នុងតែបៃតង។ វាគឺជាសារធាតុដ៏សកម្មមួយដើម្បីបញ្ឈប់កោសិការមហារីកមិនឲ្យរីកធំឡើង និងធ្វើឲ្យវាលែងបង្កជាជំងឺ ។
៥-ការបន្ថែមរសជាតិអាហារជាមួយអាស៊ីដហ្វូលីក (folic acid) ដែលមាននៅក្នុងស្លឹកបន្លែបៃតង ថ្លើមនិងក្រលៀនសត្វ ។ ការទទួលទានអាស៊ីដ folic acid អាចជួយកាត់បន្ថយឱកាសកើតជំងឺមហារីកសុដន់ ។
៦-ទទួលទានពពួកផ្សិត Maitake (ឥឡូវនេះមានជាគ្រាប់ថ្នាំសំរាប់លាយជាមួយអាហារ) ជាមួយអាហារប្រចាំថ្ងៃ ។ ពពួកផ្សិតទាំងនេះត្រូវបានគេប្រើរាប់ពាន់ឆ្នាំមកហើយនៅក្នុងវប្បធម៌មួយចំនួនសំរាប់ផលប្រយោជន៌សុខភាព ។សារធាតុ D-fraction ជួយទប់ស្កាត់កោសិការមហារីកមិនឲ្យកើតឡើង និងជួយបង្កើនកោសិការភាពស៊ាំដែលជួយប្រយុទ្ធប្រឆាំងនឹងជំងឺនានា ៕
0 comments:
Please add comment to express your opinion, and share it on Twitter or Facebook. Thank you in advance.