នៅពេលដែលស្ត្រីឈានដល់វ័យ៤០ឆ្នាំ វដ្តរដូវរបស់ស្ត្រីនឹងមានការប្រែប្រួលរហូតឈានដល់ដំណាក់កាលនៃការអស់រដូវតែម្តង ។ ស្ត្រីដែលមានវ័យក្រោយពី៤០ឆ្នាំនឹងមានអាការប្លែកៗមួយចំនួនដូចខាងក្រោម ។ចំពោះស្ត្រីដែលមានអាយុប្រហែលជា៤០ឆ្នាំគឺជាដំណាក់កាលមួយដែលឈានឆ្ពោះទៅរកការអស់រដូវ ហើយនឹងមានបង្ហាញនូវអាការដែលគួរកត់សម្គាល់ដោយនៅក្នុងសុដន់ជារឿយៗមានសភាពរឹង និងធ្លាក់ឈាមច្រើននៅពេលមករដូវ ។
ចំពោះស្ត្រីនៅក្នុងវ័យចន្លោះពី៤៥ឆ្នាំរហូតដល់៥៥ឆ្នាំគឺជាដំណាក់កាលនៃការចាប់ផ្តើមអស់រដូវដែលនឹងមានបង្ហាញនូវអាការមួយចំនួនដូចជារដូវមកពុំទៀងទាត់ ធ្លាក់ឈាមតិច បែកញើសនៅពេលយប់ ពេលខ្លះញ័របេះដូង ឆាប់រំជួលចិត្ត អង្គជាតរបស់ស្ត្រីមានក្លិន និងឆាប់អស់កំលាំង ។
សម្រាប់ស្ត្រីដែលមានវ័យបន្ទាប់ពី៥៥ឆ្នាំគឺជាដំណាក់កាលនៃការប្រឈមមុខនឹងការអស់រដូវ ហើយនឹងបង្ហាញនូវអាការមួយចំនួនដូចជាឈប់មករដូវ អង្គជាតស្ត្រីស្ងួតគ្មានសំណើម ប្រែប្រួលទំរង់នៃរាងកាយ ស្បែកចាប់ផ្តើមជ្រីវជ្រួញ ឈឺសន្លាក់ឆ្អឹង និងពុកឆ្អឹង ។
ស្ត្រីដែលមានអាការដូចដែលបានរៀបរាប់ខាងលើគួរតែជួបពិគ្រោះយោបល់ និងសុំការណែនាំពីវេជ្ជបណ្ឌិតជំនាញដើម្បីធ្វើការព្យាបាលជាបន្ទាន់ដើម្បីជៀសវាងការប្រឈមមុខនឹងគ្រោះថ្នាក់ធ្ងន់ធ្ងរ ៕
0 comments:
Please add comment to express your opinion, and share it on Twitter or Facebook. Thank you in advance.