ថង់ផ្ទុកកូកាអ៊ីនទម្ងន់ ១៦kg ត្រូវបានរកឃើញនៅឯទីស្នាក់ការកណ្ដាលរបស់ អង្គការសហប្រជាជាតិប្រចាំក្នុងទីក្រុងញីវយ៉ក។ នេះបើតាមការឲ្យដឹងពីប៉ូលិស ចុះផ្សាយដោយគេហទំព័រ BBC។
ថ្នាំញៀននេះត្រូវបានគេច្រកក្នុងថង់មួយ ដែលមានបិទរូបសញ្ញាអង្គការសហប្រជាជាតិភ្ជាប់ពីលើ។ បើតាមសម្ដីអ្នកនាំពាក្យប៉ូលិស លោក Paul Browne ថា ការបញ្ជូននេះដូចជាធ្វើឡើងដោយចៃដន្យ ពីព្រោះគ្មានឈ្មោះ ឬអាសយដ្ឋានភ្ជាប់ជាមួយឡើយ។
ថង់ថ្នាំញៀន ត្រូវបានគេស្កេនព្រោះមានការសង្ស័យទៅឡូហ្គោអង្គការសហប្រជាជាតិដែលមានសភាពមិនប្រក្រតី។
បើតាមសម្ដីលោក Gregory Starr អគ្គលេខាធិការរង ទទួលបន្ទុកសុវត្ថិភាព និងសន្តិសុខរបស់អង្គការសហប្រជាជាតិ ថា នៅក្នុងថង់ពណ៌ស គេឃើញថ្នាំញៀនត្រូវបានបង្កប់ក្នុងកុំព្យូទ័រយួរដៃដែលត្រូវបានដោះគ្រឿងចេញអស់។
លោកបាននិយាយប្រាប់សារព័ត៌មាន AFP ថា “បើតាមគំនិតខ្ញុំ នេះជាទង្វើរបស់ពួករត់ពន្ធគ្រឿងញៀនឆ្លងដែនពីប្រទេសមិកស៊ិក ដែលមានបំណងនាំយកថ្នាំញៀនទាំងនេះចូលក្នុងសហរដ្ឋអាមេរិក ប៉ុន្តែគម្រោងរបស់ពួកគេធ្វើឡើងខុសគោលដៅ”។
ស្របគ្នានេះដែរ អ្នកនាំពាក្យអង្គការសហប្រជាជាតិលោក Martin Nesirky ក៏បានលើកឡើងប្រាប់ AP ថា ទាំងអង្គការសហប្រជាជាតិ និងបុគ្គលិកក្នុងទីស្នាក់ការកណ្ដាលនេះមិនមែនជាមុខសញ្ញាទទួលថ្នាំញៀននេះទេ៕
ស្របគ្នានេះដែរ អ្នកនាំពាក្យអង្គការសហប្រជាជាតិលោក Martin Nesirky ក៏បានលើកឡើងប្រាប់ AP ថា ទាំងអង្គការសហប្រជាជាតិ និងបុគ្គលិកក្នុងទីស្នាក់ការកណ្ដាលនេះមិនមែនជាមុខសញ្ញាទទួលថ្នាំញៀននេះទេ៕
ប្រភព៖ BBC
រូបភាព៖ cityprofile, aforeverrecoverybattlecreek
0 comments:
Please add comment to express your opinion, and share it on Twitter or Facebook. Thank you in advance.