បច្ចុប្បន្ននេះសំណង់អាគារខ្ពស់ៗកប់ពពកកំពុងទទួលបានការពេញនិយមយ៉ាងខ្លាំងពីសំណាក់ប្រទេសរីកចម្រើន ឬកំពុងរីកចម្រើននានាលើពិភពលោក។ ស្របពេលជាមួយគ្នានេះដែរសំណង់អគារខ្ពស់ៗទាំងនោះតម្រូវឲ្យមានជណ្ដើរយន្តដើម្បីសម្រួលដល់ការធ្វើដំណើរក៏ដូចជាចំណេញពេលវេលាឡើងទៅដល់ជាន់និមួយៗនៃអគារបាន។ ភាគច្រើននៃជណ្ដើរយន្តទាំងនោះត្រូវបានរចនាឲ្យមានរូបរាងប្លែកៗនិងសាកសមទៅនឹងរាងរបស់អគារផងដែរ។
អញ្ចឹងសូមប្រិយមិត្តក្រឡេកមើលរូបខាងក្រោមនេះ និងជួយប្រាប់ផងថាតើជណ្ដើរយន្តទាំង ១១ខាងក្រោមនេះមួយណាប្លែកនិងអស្ចារ្យជាងគេ?
១. ជណ្ដើរយន្តនៅ AquaDom ក្នុងទីក្រុងប៊ែរឡាំងស្ថិតនៅចំណុចកណ្ដាលនៃរយៈកម្ពស់ប្រមាណ ២៥ម៉ែត្រ (82-foot ) នៃអាងចិញ្ចឹមត្រី។
២.The Sky Tower ឈរបង្ហាញរាងយ៉ាងសង្ហារនៅតំបន់ពាណិជ្ជកម្មកណ្ដាលនៃទីក្រុង Auckland ប្រទេស New Zealand។
៣. ជណ្ដើរយន្តចំណាយពេលត្រឹមតែ ៤នាទីនាំលោកអ្នកទៅកាន់រយៈកម្ពស់ប្រមាណ ១៩២ម៉ែត្រ (630-foot) នៃ Gateway Arch ក្នុងវិថី Louis រដ្ឋMissouri សហរដ្ឋអាមេរិក។
៤. ដំណើរទស្សនាចរលក្ខណៈ gondola ដែលមានរយៈពេល ៥០នាទីនៅ ស្កុតឡែន Falkirk Wheel ឆ្លងកាត់ព្រែកជីកចំនួន ២ និងរួមបញ្ចូលការជិះជណ្ដើរយន្ត ២ ដង។
៥. ទស្សនាទេសភាពបឹងLucerne ដ៏ស្រស់ស្អាត និង ភ្នំ Alps ដោយជិះជណ្ដើរយន្តHammetschwand របស់ Switzerland ។
៦. SkyView នៅ Ericsson Globe គឺជាជម្រើសដ៏ល្អជាងគេសម្រាប់មើលទេសភាពទីក្រុង Stockholm ប្រទេស Sweden។
៧. អគារ Lloyd ក្នុងទីក្រុង ឡុង ត្រូវបានរចនាចេញពីផ្នែកខាងក្នុងមកក្រៅ ព្រមជាមួយនឹងជណ្ដើរយន្តកញ្ចក់ទាំង ១២ សម្រាប់ធ្វើដំណើរលើផ្ទៃខាងក្រៅ។
៨. មើលទេសភាពសួនច្បារនៃទីក្រុង វិហារ និង អគារខ្ពស់ៗកប់ពពកពីកន្លែងអង្កេតមើលនៅជាន់ទី ៨៩ នៃអគារ Taipei 101 ក្នុងទីក្រុង តៃវ៉ាន់។
៩. ធ្វើដំណើរក្នុងជណ្ដើរយន្តនៃសណ្ឋាគារ Luxor ក្នុងរដ្ឋ Las Vegas នៅកាន់មុម ៣៩ដឺក្រេនៃដំបូលសណ្ឋាគារ។
១០. ទស្សនាសារមន្ទីរ Mercedes-Benz ក្នុងទីក្រុង Stuttgart នៃប្រទេសអាល្លឺម៉ង់ ដែលផ្ទុកនូវព័ត៌មានយានយន្តដែលមានប្រវត្តិជាង ១២៥ឆ្នាំ ដោយប្រើប្រាស់ជណ្ដើរយន្តដែលមានរាងកោងនិងផ្ទៃខាងក្រៅធ្វើពីលោហធាតុព្រមជាមួយនឹងបង្អួចបាំងមុខ។
១១. ធ្វើដំណើរតាមជណ្ដើរយន្ត Bailong ក្នុងទីក្រុងHunan ដើម្បីទស្សនាសួនព្រៃ Zhangjiajia របស់ប្រទេសចិនដែលមានរយៈកម្ពស់ជិត ៣៣០ម៉ែត្រ (1,070 feet) នៃច្រាំងថ្មចោទ។
0 comments:
Please add comment to express your opinion, and share it on Twitter or Facebook. Thank you in advance.