ស្បែកដែលគ្របដណ្តប់ខ្លួនប្រាណគឺជាចំណុចទាក់ទាញដ៏ស្រស់ស្អាតបំផុតមួយនៃរាងកាយ ។ អ្នកពិតជាចង់រក្សាស្បែករបស់អ្នកឲ្យមើលទៅស្រស់ស្អាតបំផុតហើយមែនទេ ?ចំណុចសំខាន់ៗខាងក្រោមនេះនឹងជួយពន្យល់ប្រាប់អំពីវិធីថែរក្សាស្បែកឲ្យបានស្រស់ស្អាត និងប្រកបដោយសុខភាពល្អ ។
១.ចៀសវាងការជក់បារី ៖ ការជក់បារីផ្តល់ផលប៉ះពាល់អវិជ្ជមានជាច្រើនដល់សុខភាពរាងកាយដោយរួមទាំងជម្ងឺបេះដូង ជម្ងឺមហារីកសួត និងជម្ងឺផ្សេងៗ ។ អ្វីដែលមនុស្សភាគច្រើនមិនអាចដឹងនោះគឺជាតិនីកូទីននៅក្នុងផ្សែងបារីអាចបង្កឲ្យស្បែកមានពណ៌ស្រអាប់ ហើយក្នុងករណីខ្លះបង្កឲ្យកើតជាមុនលើស្បែក ។ ដើម្បីរក្សាស្បែកឲ្យបានស្រស់ស្អាត និងមានសុខភាពល្អ អ្នកត្រូវលះបង់ការជក់បារី ។
២.យកចិត្តទុកដាក់ចំពោះវីតាមីន A និង E ៖ នៅពេលដែលមនុស្សមានវ័យចំណាស់ ស្បែកនឹងចាប់ផ្តើមបាត់បង់ភាពតឹងណែន ។ នេះដោយសារតែកោសាកាស្បែក សរសៃនៃជាលិការ និងសរសៃយឺតចាប់ផ្តើមខូចដោយបង្ហាញជាស្នាមជ្រីវជ្រួញ និងធ្វើឲ្យស្បែកមានពណ៌ស្រអាប់ ។ ការទទួលទានជាតិថ្នាំវីតាមីន A និងសារធាតុសរសៃយឺត elastin អាចជួយអ្នកក្នុងការការពារ និងទប់ស្កាត់បញ្ហាប្រែពណ៌ស្បែកនេះបាន ។ វីតាមីន A ឬ E រួមជាមួយសារធាតុខនិជធម្មជាតិដទៃទៀតជួយពង្រឹងកោសិកាស្បែក ។
៣.ប្រយត្ន័ប្រយែងចំពោះការប្រើប្រាស់សារធាតុប្រេងលាបនៅលើស្បែក ៖ សារធាតុទាំងនេះអាចបង្កឲ្យអ្នកកើតមុនលើស្បែក ដូចនេះនៅពេលដែលអ្នកប្រើប្រាស់ក្រេមរក្សាសម្រស់ ឬជ្រើសរើសយកផលិតផលថែរក្សាស្បែកណាមួយយកមកប្រើ អ្នកត្រូវទៅពិគ្រោះជាមួយគ្រូពេទ្យជំនាញខាងស្បែកជាមុនសិន ៕
0 comments:
Please add comment to express your opinion, and share it on Twitter or Facebook. Thank you in advance.