ពោធិ៍សាត់ ៖ ម៉ូតូ២គ្រឿងបានបុកគ្នាលាន់ដូចរន្ទះបាញ់បណ្ដាលឲ្យម៉ូតូសងខាងខូចខាតមួយចំនួនឯអ្នកជិះម៉ូតូសេ១២៥ម្នាក់សន្លប់ស្ដូកស្ដឹង ចំណែកអ្នកជិះម៉ូតូស្មាស់រីវ៉ូក៏របួសដែរ។ ហេតុការណ៍នេះបានកើតឡើងកាលពីវេលាម៉ោង៦និង៤០នាទីក្បាលព្រលប់ថ្ងៃទី ២៣ ខែ មករាឆ្នាំ២០១២ ត្រង់ចំណុចផ្លូវលេខ៥៤ ក្នុងភូមិទី៤ ឃុំ កំពង់លួច ស្រុកក្រគរ ខេត្តពោធិ៍សាត់។
នគរបាលចរាចរស្រុកក្រគរបានឲ្យប្រាប់ឲ្យដឹងថា ជនរងគ្រោះទាំងពីរមានទី១. ឈ្មោះ ថេ ឈុនណា អាយុ១៩ឆ្នាំ ភេទប្រុស នៅភូមិកើតហេតុ ទី២. ឈ្មោះ ឯក ប៊ុនថា អាយុ ២៧ឆ្នាំ ភេទប្រុស រស់នៅភូមិ ថ្កោលធំ ឃុំ អន្លង់ត្នោត ស្រុក ក្រគរ ខេត្តពោធិ៍សាត់។
សាក្សីឈ្មោះ វ៉ាន់ ឃើញហេតុការណ៍ផ្ទាល់ភ្នែកនិយាយថា អ្នកទាំង២នាក់សុទ្ធតែប្រើល្បឿនលឿនដូចគ្នា ដោយដំបូងអ្នកបើកម៉ូតូសេ១២៥ពណ៌ខ្មៅ ពាក់ស្លាកលេខ ពោធិ៍សាត់ 1C-2294 បើកពីជើងទៅត្បូង ផ្នែកខាងស្ដាំតែក្បែរកណ្ដាលទ្រូងផ្លូវខណៈនោះបុរសម្នាក់ទៀតជាអ្នកបង្កបានបើកម៉ូតូស្មាស់រីវ៉ូ ពាក់ស្លាកលេខ ពោធិ៍សាត់ 1A-9787បានបើកបោះពួយមកពីខាងត្បូងទៅជើងយ៉ាងលឿនចូលដល់ផ្លូវអរិភាពរបស់ភាគីម៉ូតូសេ១២៥ ក៏បុកពេញមួយទំហឹងលាន់ស្នូរដូចរន្ទះបាញ់បណ្ដាលឲ្យសន្លប់ឈឹងម្នាក់ និងម្នាក់ទៀតរងរបួស។ ចំណែកម៉ូតូទាំងសងខាងបានខ្ទាតទៅខាងស្ដាំដៃរៀងៗខ្លួនតែម្ដង។
ជនរងគ្រោះទាំងពីរនាក់ត្រូវបានគេដឹកយកសង្គ្រោះ រីឯម៉ូតូទាំង២គ្រឿងរក្សាទុកនៅអធិការដ្ឋាននគរបាលស្រុករង់ចាំដោះស្រាយជាក្រោយ៕ ប្រភព
0 comments:
Please add comment to express your opinion, and share it on Twitter or Facebook. Thank you in advance.