ភ្នំពេញ ៖ ជនសង្ស័យ៣នាក់ដែលក្នុងនោះមានស្ត្រី២នាក់ត្រូវបានសមត្ថកិច្ចបំបែកសំណុំរឿងនៅពេលដែលពួកគេធ្វើសកម្មភាពប្លន់សង្សារមួយគូរទៀតដែលកំពុងតែអង្គុយសារសងគ្នានៅលើម៉ូតូក្បែររោងចក្រកាត់ដេរមួយកន្លែងស្ថិតក្នុងភូមិព្រៃទា សង្កាត់ចោមចៅ ខណ្ឌពោធិសែនជ័យ។
សមត្ថកិច្ចបន្ទាប់ពីទទួលបានព័ត៌មានក៏ឈានដល់ការចាប់ខ្លួនជនសង្ស័យចំនួន៣នាក់ក្នុងនោះមានស្ត្រី២នាក់ជាបក្ខពួកជនល្មើសដែលបានផ្ដល់ព័ត៌មាននិងជាអ្នកមើលផ្លូវពេលធ្វើសកម្មភាព។សមត្ថកិច្ចបានសួរដេញដោលអំពីករណីប្លន់នេះហើយជនសង្ស័យទាំង៣នាក់បានសារភាពថាខ្លួនពិតជាមានគំរោងរៀបចំប្លន់គូរសង្សារណាដែលសាសងគ្នានៅកន្លែងស្ងាត់ៗរួចពួកគេផ្ដល់ព័ត៌មានអោយបក្ខពួកមកធ្វើសកម្មភាពប្លន់ដោយប្រើដំបងកាបិតចុងស្រួចនិងដែកជាដើមវាយប៉ុនប៉ងប្លន់ម៉ូតូនិងទ្រព្យសម្បត្តិ។ការបំបែកសំណុំរឿងនេះឈានដល់ការសម្លាប់គូរសង្សារមួយគូរយ៉ាងសាហាវឃោឃៅនៅក្នុងសង្កាត់ភ្នំពេញថ្មី ខណ្ឌសែនសុខកាលពីមួយសប្ដាហ៍មុន។ក្រុមជនសង្ស័យមានគ្នាប្រមាណ៥នាក់ដោយបុរស២នាក់ធ្វើសកម្មភាពភ្ជង់ប្លន់ម៉ូតូបានសំរេចហើយស្ត្រី២នាក់ជាអ្នកផ្ដល់ព័ត៌មាននិងចាំមើលផ្លូវ។
សមត្ថកិច្ចបានអោយដឹងថាបក្ខពួកក្រុមចោរនោះបន្ទាប់ពីធ្វើសកម្មភាពហើយបានគេចខ្លួនបាត់ប៉ុន្តែស្ត្រីជាជនសង្ស័យត្រូវបានសមត្ថកិច្ចឃាត់សួរនាំទើបដឹងថាជាបក្ខពួកក្រុមចោរប្លន់ហើយសមត្ថកិច្ចក៏តាមក្របួចបាន៣នាក់ក្នុងនោះមានស្ត្រី២នាក់និងជនសង្ស័យ២នាក់ទៀតដែលបានប្លន់ម៉ូតូម៉ាកសង់C125 កាលពីវេលាទៀបភ្លឺថ្ងៃទី២៤ខែមករាឆ្នាំ២០១២នៅភូមិព្រៃទា សង្កាត់ចោមចៅ ខណ្ឌពោធិ៍សែនជ័យសមត្ថកិច្ចកំពុងបន្តស្រាវជ្រាវរកមុខសញ្ញានោះទៀត។
គួរបញ្ជាក់ថាគូរសង្សារ២នាក់ដែលកំពុងអង្គុយសាសងគ្នានៅទីស្ងាត់ងងឹតត្រូវក្រុមចោរវាយប្លន់ដោយប្រើកាំបិតចុងស្រួចចាក់សម្លាប់យ៉ាងសាហាវឃោឃៅហើយស្ត្រីជាសង្សារត្រូវក្រុមចោរអន្ធពាលទាំងនោះចាប់រំលោភយ៉ាងសាហាវព្រៃផ្សៃដែលហេតុការណ៍នោះបានកើតឡើងកាលពីយប់ថ្ងៃទី១៦ខែមករាឆ្នាំ២០១២នៅលើកំណាត់ផ្លូវបេតុង ស្ថិតនៅក្នុងភូមិដំណាក់ថ្មី សង្កាត់ភ្នំពេញថ្មី ខណ្ឌសែនសុខ។ប៉ុន្តែមិនយូរមិនឆាប់ឈាមស្រែកស្បែកហៅក្រុមចោរទាំងនោះត្រូវសមត្ថកិច្ចបំបែកសំណុំរឿងនិងក្របួចដាក់ខ្នោះបាន៣នាក់និង២នាក់ទៀតកំពុងបន្តតាមចាប់៕
0 comments:
Please add comment to express your opinion, and share it on Twitter or Facebook. Thank you in advance.