លោកស្រីវេជ្ជបណ្ឌិត Marilyn Glenville អតីតប្រធានរៀបចំសិក្ខាសិលាស្តីពីអាហារ និងសុខភាពនៃសមាគមន៍ Royal Society of Medicine បានមានប្រសាសន៍ថា គ្រប់ផ្នែក (សំបក សាច់ គ្រាប់...) របស់ផ្លែឈើ និងបន្លែ ដែលផ្តល់សារធាតុចិញ្ចឹមនឹងបង្កើនគុណភាព និងបរិមាណប្រសិនបើពួកវាត្រូវបានបរិភោគព្រមគ្នា ។
ខាងក្រោមនេះជាបន្លែ និងផ្លែឈើមួយចំនួនដែលអ្នកគួរតែសាកល្បងបរិភោគទាំងមូល ។
ផ្លែចេក ៖ អ្នកស្រាវជ្រាវនៅតៃវ៉ាន់បានរកឃើញថា ក្នុងសំបកផ្លែចេកសំបូរទៅដោយសារធាតុ សឺរ៉ូតូនិន (serotonin) ដែលជួយក្នុងការកាត់បន្ថយភាពតានតឹង និងសារធាតុអង់ទីអុកស៊ីដង់ lutein ដែលជួយការពារកោសិកាភ្នែកពីកាំរស្មីស្វាយអ៊ុលត្រារបស់ព្រះអាទិត្យ ។
របៀបទទួលទាន ៖ អ្នកស្រាវជ្រាវបានផ្តល់យោបល់ថា គួរស្ងោរសម្បកចេករយៈពេល១០នាទីដើម្បីយកទឹកហូប ឬយកវាកិននឹងម៉ាស៊ីនទឹកក្រឡុក ។
ដំឡូង ៖ មនុស្សភាគច្រើនបំផុតដឹងថា សំបកដំឡូងមានប្រយោជន៍ចំពោះសុខភាព ប៉ុន្តែមានមនុស្សភាគតិចដែលដឹងពីហេតុផល ។ នៅក្នុងចំណិតសំបកដំឡូងប៉ុនម្រាមដៃផ្តល់ឱ្យអ្នកនូវបរិមាណសារធាតុចិញ្ចឹមស្ទើរតែពាក់កណ្តាលនៃសារធាតុចិញ្ចឹមដែលជាតម្រូវការប្រចាំថ្ងៃនៃអាហារជាតិសរសៃ ប៉ូតាស្យូម ដែក ផូស្វរ សង្ក័សី និងវីតាមីន C ។ លោកស្រីវេជ្ជបណ្ឌិត Marilyn Glenville មានប្រសាសន៍ថា ដំឡូងសំបូរវីតាមីនជាងផ្លែក្រូច ហើយដំឡូងជាអាហារដែលល្អណាស់សម្រាប់អ្នកជម្ងឺផ្តាសាយ ។
របៀបទទួលទាន ៖ ដុត ឬស្ងោរ ហើយកិនឱ្យម៉ត់ទាំងសំបក ឬចិតជាចំណិតតូចៗលាយជាមួយប្រេងអូឡីវ ហើយដោតអាំងនឹងចង្កាក់ ។
ល្ពៅ និងស្ពៃ ៖ គ្រប់ប្រភេទស្ពៃសំបូរទៅដោយជាតិសង្ក័សីដែលធ្វើឱ្យស្បែក និងក្រចកមានសុខភាពល្អ ប៉េតា អង់ទីអុកស៊ីដង់ ការ៉ូតែន (antioxidant beta carotene) ដែលជួយប្រយុទ្ធប្រឆាំងនឹងជម្ងឺបេះដូង និងមហារីក ។ សុះបកល្ពៅរឹង ហើយក្រាស់ពិបាកហូបណាស់ ប៉ុន្តែបើអ្នកកោសសម្បកពណ៌លឿងនោះចេញ អ្នកនឹងបាត់បង់សារធាតុចិញ្ចឹមរបស់វា ។ គ្រាប់ល្ពៅសំបូរទៅដោយ អូម៉ហ្គា៦ និងអាស៊ីតខ្លាញ់ចាំបាច់សម្រាប់សុខភាពខួរក្បាល ។
របៀបទទួលទាន ៖ លាងគ្រាប់ល្ពៅដោយទឹកក្តៅឧណ្ហៗ រួចដុតជាមួយនឹងប្រេងអូលីវរយៈពេល២០នាទី ។ ប្រើសាច់ល្ពៅជាមួយសាលាត់ និងស៊ុប ។
ម្នាស់ ៖ កុំភ្ញាក់ផ្អើលអី ! ផ្នែកដែលសំខាន់នោះគឺស្នូលកណ្តាលមិនមែនសំបកដែលគ្រើម ហើយមុតរបស់ម្នាស់នោះទេ ។ ម្នាស់សំបូរដោយជាតិសរសៃ វីតាមីន C និងជាពិសេសអង់ស៊ីម bromelain ដែលជួយក្នុងការរំលាយអាហារ និងជាលិកាងាប់ៗក្នុងប្រព័ន្ធរំលាយអាហារបានយ៉ាងរហ័ស និងជួយការពារក្រពះ ។ ស្នូលម្នាស់សំបូរអង់ស៊ីមbromelain ច្រើនជាងពីរដងដែលសាច់ម្នាស់មាន ។
របៀបទទួលទាន ៖ កិន និងសង្កត់ស្នូលម្នាស់ រួចសម្រឹតយកទឹកសម្រាប់បរិភោគ ។ កាកដែលនៅសល់អាចយកទៅបន្ថែមក្នុងស៊ុប ។
ក្រូច ៖ សំបកក្រូចពោធិ៍សាត់ និងក្រូចឃ្វិចសំបូរទៅដោយអង់ទីអុកស៊ីដង់ super-flavonoid យ៉ាងច្រើនដែលសំខាន់ក្នុងការបំផ្លាញកម្រិតកូឡេស្តេរ៉ុលអាក្រក់ដោយពុំមានការបន្ថយកម្រិតកូឡេស្តេរ៉ុសល្អ ។ អង់ទីអុកស៊ីដង់ដែលមានក្នុងសំបកក្រូចមានសមត្ថភាពខ្លាំងជាងអង់ទីអ៊ុកស៊ីដង់ដែលមានក្នុងទឹកក្រូច២០ដង ។
របៀបទទួលទាន ៖ ហូបសំបកក្រូចជាមួយ ប៉្រូមា ឬជាមួយនំបុ័ង ឬដាក់កិនផ្លែក្រូចទាំងមូលក្នុងម៉ាស៊ីនទឹកក្រឡុកដោយធ្វើយ៉ាងនេះ អ្នកនឹងទទូលបានអត្ថប្រយោជន៍ទាំងស្រុងពីផ្លែក្រូច ។
ខាត់ណា Broccoli ៖ ដើមខាត់ណា Broccoli មិនសូវមានរសជាតិដូចផ្ការបស់វាទេ ប៉ុន្តែវាសំបូរដោយជាតិកាល់ស្យូម និងវីតាមីន C ព្រមទាំងជាតិកាកសរសៃដែលអាចធ្វើឱ្យអ្នកឆ្អែតបានយូរ ។
របៀបទទួលទាន ៖ ចិតដើមខាត់ណាជាសរសៃតូចៗ រួចយកទៅឆា ឬស្រុះធ្វើជាបន្លែ ៕
0 comments:
Please add comment to express your opinion, and share it on Twitter or Facebook. Thank you in advance.