នៅក្នុងត្រីមាសទី ៤ កន្លងទៅនេះ Samsung បានទទួលជោគជ័យច្រើនទោះមិនស្មើ Apple ក៏អាចនិយាយបានថាខ្លាំងដែរ ប៉ុន្តែបើងាកមកមើល Motorola វិញបែរជាខាតអស់ប្រមាណ ៨០ លានដុល្លារ។ នេះដោយយោងតាមគេហទំព័រ Engadget និង BGR។
ក្រុមហ៊ុន Samsung ទទួលបានប្រាក់ចំណេញ (Operating Profit) ប្រមាណ ៥,៣ ពាន់លានវ៉ុន ស្មើនឹង ៤,៧ ពាន់លានដុល្លារ។ នេះមានន័យថាកើនលើសឆ្នាំមុន ១,៨ ពាន់លានដុល្លារ។ ចំពោះទិន្នន័យសរុបសម្រាប់ការលក់ចេញ Samsung រកបាន ៤២ ពាន់លានដុល្លារ។ គួរបញ្ជាក់ផងដែរថាប្រាក់ចំណូលបានមកពីមុខជំនួញផ្សេងៗគ្នាដូចជា ទូរស័ព្ទមានចំណែក ៤០ ភាគរយនៃចំណូលសរុបដែលស្មើនឹង ២,៣ ពាន់លានដុល្លារ និង Semiconductor ធ្វើបាន ២ ពាន់លានដុល្លារ។ លើសពីមុខជំនួញខាងអេក្រង់ក៏មានការកើនឡើងខ្លាំងដែរ ដោយឡើងដល់ ៨,៥៥ ពាន់លានដុល្លារ។
ចំណែកឯ Motorola វិញបានប្រកាសកាលពីថ្ងៃព្រហស្បតិ៍កន្លងទៅនេះថាបានខាតបង់អស់ប្រមាណ ៨០ លានដុល្លារ។ ចំណូលសរុបពេញមួយឆ្នាំកន្លងទៅសម្រាប់ Motorola គឺ ១៣,១ ពាន់លានដុល្លារ កើនបាន ១៤% ធៀបនឹងឆ្នាំ ២០១០ ប៉ុន្តែតម្លៃភាគហ៊ុនបានធ្លាក់ចុះអស់ ០,៨៤ ដុល្លារក្នុងមួយហ៊ុន បើធៀបនឹងឆ្នាំ ២០១០ ធ្លាក់ចុះតម្លៃហ៊ុនអស់ ០,២៩ ដុល្លារ។ Motorola បាននាំចេញទូរស័ព្ទលក់បាន ១០,៥ លានគ្រឿងនៅក្នុងត្រីមាសទី ៤ ព្រមទាំងមាន Tablet ២០០.០០០ គ្រឿង បើសរុបពេញមួយឆ្នាំគឺ ៤២,៤ លានគ្រឿង។
តាមលទ្ធផលទាំងពីរនេះឃើញថា Samsung នៅតែខ្លាំង ចំណែកឯ Motorola នៅតែបន្តខាត។ តើ Motorola នឹងអាចរៀបចំយុទ្ធសាស្ត្រដើម្បីបង្កើនប្រាក់ចំណូលបានដូច Samsung ដែរឬទេ?
0 comments:
Please add comment to express your opinion, and share it on Twitter or Facebook. Thank you in advance.