រតនៈ ពិសី ភ្ញៀវកិត្តិយស ក្នុងកម្មវិធី ”តារាក្នុងដួងចិត្តខ្ញុំ” នៃវិទ្យុដើមអម្ពិល

 ភ្នំពេញ៖ ស្រីស្រស់សោភា ដែលចាប់ផ្តើមមាន ឈ្មោះបោះសំឡេងច្រើនគួរសម នៅក្នុងវិស័យសិល្បៈ កញ្ញា រតនៈ ពិសី នឹងចូលរួមជាភ្ញៀវកិត្តិយសក្នុងកម្មវិធី «តារាក្នុងដួងចិត្តខ្ញុំ» នៃស្ថានីយវិទ្យុដើមអម្ពិល អេហ្វអឹម ៩៣.៧៥ មេហ្គាហឺត នៅថ្ងៃសុក្រ ទី២៧ ខែមករា ឆ្នាំ២០១២ ។

កម្មវិធី «តារាក្នុងដួងចិត្តខ្ញុំ» មានផ្សាយជូនជារៀងរាល់ថ្ងៃសុក្រ វេលាម៉ោង២និង១០នាទី រហូតដល់ម៉ោង៣រសៀល។ កម្មវិធីប្រចាំសប្តាហ៍នេះ មានការអញ្ជើញចូលរួម ពីសិល្បករ និងសិល្បការិនី ដែលមានឈ្មោះបោះសំឡេង នៅក្នុងប្រទេសកម្ពុជា ចូលរួមជាភ្ញៀវកិត្តិយស ។

មិនខុសពីសព្វមួយដង តារាដែលទើបតែរះលើវិថីសិល្បៈ វ័យ២០ឆ្នាំ  កញ្ញា រតនៈ ពិសី នឹងថ្លាថ្លែងវាចាររៀបរាប់ពីបទពិសោធន៍ ដំណើរដើមទង ឈានជើង ចូលប្រឡូកក្នុងវិស័យសិល្បៈ និងភាពជោគជ័យ ដែលនាងទទួលបាន នាពេលបច្ចុប្បន្ន។ ជុំវិញចម្ងល់ទាំងនេះ នឹងបង្ហើរជូនប្រិយមិត្តឲ្យដឹង នៅក្នុងកម្មវិធី «តារាក្នុងដួង ចិត្តខ្ញុំ» តាមរលកធាតុអាកាសវិទ្យុដើមអម្ពិល ។

មិនតែប៉ុណ្ណោះ ប្រិយមិត្ត ក៏អាចទូរស័ព្ទសាកសួរ ក៏ដូចជាជជែកកម្សាន្ត ជាមួយតារាកិត្តិយសបាន ដោយគ្រាន់តែទាក់ទងតាមប្រព័ន្ធទូរស័ព្ទ ចំនួន3ខ្សែ គឺលេខ ៖ 088 863 633 8, 092 942 955 ,015 595 435 បាន ។

កញ្ញា រតនៈ ពិសី ជាតារាចម្រៀងប្រចាំ ក្នុងក្លឹបអេហ្ស៊ីប ដែលនាងបានបោះជំហាន ចូលប្រឡូកក្នុងវិថីសិល្បៈ កាលពីចុងឆ្នាំ២០១០ បើទោះបីជានាងមិនសូវ មានឈ្មោះបោះសំឡេង ដូចតារាដទៃក៏ដោយប៉ុន្តែជាញឹកញាប់នាង ក៏តែងតែបង្ហាញខ្លួននៅក្នុងកម្មវិធីប្រគំតន្រ្តី នៃស្ថានីយទូរទស្សន៍ជាច្រើន ហើយនៅក្នុងឆ្នាំ ២០១២ នេះ នាងក៏មានការមមាញឹកជាមួយ ការងារច្រៀង នៅតាមបណ្តាខេត្តជាច្រើនផងដែរ ៕

Share