មិត្តអ្នកអានសាកឆ្លើយនឹងសំណួរ Sabay មកមើលថាតើមុខម្ហូបខ្មែរមួយណាពេលដែលអ្នកឃើញហើយទ្រាំចង់ទទួលទានមិនបាននោះ? ប្រាកដជាមានអ្នកឆ្លើយត្រូវ មិនតិចទេ! នោះគឺ “ប្រហុកខ្មែរផ្ទាប់ជាមួយបន្លែធម្មជាតិស្រស់ៗ” នោះអី!
មានមនុស្សជាច្រើនបានលើកឡើងប្រហាក់ប្រហែលគ្នាថា ប្រហុកគឺមុខម្ហូបខ្មែរដ៏វិសេសមួយ ជាចំណង់ចំណូលចិត្តនៃមនុស្សភាគច្រើន ដែលជាទូទៅបងប្អូនប្រជាពលរដ្ឋខ្មែរទាំងអស់ចេះធ្វើ និងមានការច្នៃប្រឌិតប្រហាក់ប្រហែលគ្នា។ ប្រហុកខ្មែរ គេអាចច្នៃធ្វើបានច្រើនយ៉ាងរួមមានប្រហុក ដុត លីង ប្រហុកចំហុយ ចិញ្ច្រាំដាក់ក្រសាំង ឬក្រូចឆ្មារ ទៅតាមចំណង់ចំណូលចិត្តរៀងៗខ្លួន។
តែទោះបីជាយ៉ាងណា ក៏បងប្អូនយើងមិនភ្លេចដៃគូរបស់ប្រហុកដែរ គឺបន្លែធម្មជាតិស្រស់គ្រប់មុខ មានត្រសក់ ប៉េងប៉ោះ សណ្ដែកគួ ខ្ញី ស្វាយខ្ចី ចេកខ្ចី ត្រកួន ត្រប់ស្រួយ និងពពាយជាដើម សម្រាប់ទទួលទានផ្ទាប់ជាមួយប្រហុកនេះ។
មិត្តអ្នកអានជឿទេ សូម្បីតែភ្ញៀវបរទេសជាច្រើន ក៏ចង់សាកល្បងមុខម្ហូបខ្មែរ ប្រចាំត្រកូលមួយនេះដែរ ហើយកាលណាបានភ្លក់គឺមិនភ្លេចទេពាក្យសរសើរ និងប្រាថ្នាចង់ភ្លក់ទៀត លើសពីនេះយើងសង្កេតឃើញថា នៅតាមបណ្ដាភោជនីយដ្ឋាននានា ធំ តូច មិនដែលភ្លេចមុខម្ហូបខ្មែរ ដ៏ពិសេសមួយនេះដែរ៕
0 comments:
Please add comment to express your opinion, and share it on Twitter or Facebook. Thank you in advance.