១- គ្រឿងផ្សំ : សាច់ភ្លៅមាន់ជាប់ស្បែក ហាន់ជាដុំៗ ៣០០ក្រាម, ម្សៅពោត ១/២ចានចង្កឹះ, ម្រេចម៉ដ្ឋ ១ស្លាបព្រាបាយ, សាច់មាក់ប្រាង ហាន់ជាចំណិតៗ ១/២ចានចង្កឹះ, ខ្ទឹមបារាំង ហាន់ ១មើម, ម្ទេសដៃនាងក្រហម ហាន់ឆ្មារតាមបណ្តោយ ៣ផ្លែ, ដៃមខ្ទឹមហាន់ជាកង់ៗ ៣ដើម, ខ្ទឹមសចិញ្ច្រាំ ១ស្លាបព្រាបាយ, ទឹកឃ្មុំ ២ស្លាបព្រាបាយ, ប្រេងខ្យង ១ស្លាបព្រាបាយ, ទឹកស៊ីអ៊ីវ ១ស្លាបព្រាបាយ, ម្សៅស៊ុបខ្នរ ២ស្លាបព្រាកាហ្វេ, ទឹកសាប និងប្រេងឆា។
២- វិធីធ្វើ :
១. លាយច្របល់ម្រេចម៉ដ្ឋ និងម្សៅពោតឲ្យសព្វសាច់មាន់ រួចហើយយកទៅចៀន ឲ្យឡើងពណ៌លឿងស្រួយ ។ បន្ទាប់មក ដួសឡើង ទុកឲ្យស្រស់ប្រេង ។
២. បំពងខ្ទឹមសចិញ្ច្រាំឲ្យឈ្ងុយ ហើយថែមសាច់មាក់ប្រាងចូល ឆារហូតទាល់តែឆ្អិន មុននឹងថែមប្រេងខ្យង ទឹកឃ្មុំ និងទឹកបន្តិចផង ។ បន្ទប់មកថែមទឹកស៊ីអ៊ីវ និងម្សៅស៊ុបខ្នរ។
៣. ដាក់សាច់មានចៀនរួចហើយនោះចូល ព្រមទាំងម្ទេសដៃនាង ខ្ទឹមបារាំង និងដើមខ្ទឹម រួចឆាបន្តឲ្យចូលជាតិសព្វ មុននឹងដួសដាក់ចានទទូលទាន៕
0 comments:
Please add comment to express your opinion, and share it on Twitter or Facebook. Thank you in advance.