តើលោកអ្នកធ្លាប់ឆ្ងល់ទេថា ហេតុអ្វីបានជាលោកអ្នកងាយស្រួលនឹងធ្លាក់ក្នុងអន្លង់ស្នេហ៍អ្នកដទៃ ? តើមនុស្សម្នាក់នោះមានចំនុចទាក់ទាញពិសេស ឬក៏នេះគឺជាទំលាប់នៃធម្មជាតិរបស់លោកអ្នក ?ខាងក្រោមនេះគឺជាវិធីសាស្ត្រដើម្បីបញ្ឈប់អារម្មណ៍ងាយធ្លាក់ក្នុងអន្លង់ស្នេហ៍អ្នកដទៃ ។
វិធីសាស្ត្រទី១ ៖ បញ្ឈប់ការនិយាយលេងឡែបខាយពាក្យសំដី ឬនិយាយញ៉ែរទៅកាន់មនុស្សនៅជុំវិញខ្លួន ជាពិសេសទៅកាន់មនុស្សជាក់លាក់ណាម្នាក់ ។
វិធីសាស្ត្រទី២ ៖ លោកអ្នកត្រូវគិតថា មនុស្សគ្រប់គ្នានៅជុំវិញខ្លួនគឺជាមិត្តភក្តិ ។ ការហ្វឹកហាត់គិតបែបនេះនឹងធ្វើឱ្យលោកអ្នកចងចាំពីសមាសភាពរវាងលោកអ្នក និងមនុស្សម្នាក់នោះច្បាស់លាស់ ។
វិធីសាស្ត្រទី៣ ៖ លោកអ្នកត្រូវស្វែងរកមូលហេតុដែលមិនអាចស្រលាញ់មនុស្សម្នាក់នោះ ។ បន្ទាប់មក លោកអ្នកត្រូវចងចាំមូលហេតុនោះជាប់ជានិច្ចដើម្បីដាស់តឿនកុំឱ្យធ្លាក់ក្នុងអន្លង់ស្នេហ៍ចំពោះរូបគេដោយងាយៗ ។
វិធីសាស្ត្រទី៤ ៖ រក្សាគំលាតជាមួយមនុស្សម្នាក់នោះពីព្រោះពេលខ្លះមូលហេតុដែលបណ្តាលឱ្យលោកអ្នកធ្លាក់ក្នុងអន្លង់ស្នេហ៍មនុស្សម្នាក់នោះគឺដោយសារលោកអ្នកចំណាយពេលវេលាច្រើនពេកនៅក្បែររូបគេ ។
វិធីសាស្ត្រទី៥ ៖ ស្វែងរកចំនុចដែលធ្វើឱ្យលោកអ្នកធ្លាក់ក្នុងអន្លង់ស្នេហ៍អ្នកដទៃដោយងាយៗ ។ មូលហេតុធ្វើឱ្យលោកអ្នកធ្លាក់ក្នុងអន្លង់ស្នេហ៍ដោយងាយៗអាចមកពីលោកអ្នកជាមនុស្សដែលឯកោ ខ្វះភាពកក់ក្តៅ ខ្វះមិត្តភក្តិ ឬខ្វះការចូលរួមក្នុងសង្គមដោយហេតុនេះហើយទើបអារម្មណ៍របស់លោកអ្នកត្រូវការនរណាម្នាក់មកបំពេញចន្លោះខ្វះខាតនេះ ។
វិធីសាស្ត្រទី ៦ ៖ លោកអ្នកត្រូវរៀនចេះស្រលាញ់ខ្លួនឯងឱ្យច្រើនជាងអ្នកដទៃ ៕
0 comments:
Please add comment to express your opinion, and share it on Twitter or Facebook. Thank you in advance.