.jpg)
កុំថាឡើយដល់ទៅជំងឺអេដស៍ សូម្បីតែជំងឺកាមរោគក៏កាចសាហាវ អាចធ្វើឲ្យយើងមានគ្រោះថ្នាក់រហូតដល់ជីវិតបានដែរ។ ការសប្បាយអណ្តែតអណ្តូងក្នុងផ្លូវភេទភ្លេចខ្លួនតែមួយរាត្រីអាចធ្វើឲ្យយើងសោកស្តាយអស់មួយជីវិតបាន។ រឿងនេះវាជារឿងគួរឲ្យស្តាយខ្លាំងណាស់ ព្រោះគឺជារឿងដែលគេអាចបង្ការបាន។ នៅពេលណាដែលលោកអ្នកចង់រួមភេទ សូមគិតទៅដល់ការរួមភេទប្រកបទៅដោយសុវត្ថិភាព។
គោលការណ៍នៃការរួមភេទប្រកបទៅដោយសុវត្ថិភាពគឺ ធ្វើយ៉ាងណាកុំឲ្យមានការចែករំលែកសន្ទនីយ៍រាងកាយ(body fluids)គ្នាទៅវិញទៅមក ព្រោះថាមេរោគអេដស៍ក៏ដូចជាមេរោគនៃជំងឺកាម រោគ សុទ្ធតែត្រូវបានចម្លងគ្នាពីអ្នកមានរោគទៅដៃគូតាមរយ:ឈាម ទឹកកាម ឬទឹករំអិលយោនី ទាំងអស់។
វិធីនៃការរួមភេទប្រកបទៅដោយសុវត្ថិភាពបង្ការចម្បងគេគឺការប្រើស្រោមអនាម័យគ្រប់ពេលទាំងអស់ មិនថាជាការរួមភេទជាមួយដៃគូដែលទុកចិត្តអ្វីឡើយ។ ស្រោមអនាម័យមិនគ្រាន់តែជួយបង្ការរូបអ្នកពីជំងឺផ្សេងៗបានតែប៉ុណ្ណោះទេ វាក៏ជួយបង្ការមិនឲ្យមានគភ៌ផងដែរ។ សព្វថ្ងៃនេះមានស្រោមអនាម័យច្រើនប្រភេទ ស្រោមដែលល្អគឺស្រោមដែលស្តើងតែស្វិតជាប់ល្អ និងមានទឹករំអិលថែមទៀតផង។ ហើយក៏មានស្រោមអនាម័យសម្រាប់នារីៗ ផងដែរ។ បើសិនជាអ្នកគិតថាដាក់ស្រោមខ្លួនឯងមិនស្រួលទេ អ្នកអាចនិយាយឲ្យដៃគូប្រើស្រោមនារីវិញក៏បាន។
សព្វថ្ងៃនេះការប្រើស្រោមអនាម័យវាបានក្លាយទៅជារឿងធម្មតាទៅហើយ។ មិនចាំបាច់តែរួមរ័ក្សជាមួយដៃគូផ្សេងទេ សូម្បីតែជាមួយនឹងប្រព័ន្ធក៏គេប្រើស្រោមអនាម័យដែរ។ នៅតាមកន្លែងធ្វើការជាច្រើនដែលបានគិតគូរដល់សុខភាពបុគ្គលិកជាមួយនឹងជំងឺអេដស៍ គេមានដាក់ស្រោមអនាម័យនៅតាមបន្ទប់ទឹកសម្រាប់ឲ្យបុគ្គលិកយកតាមចិត្ត។ នៅតាមសណ្ឋាគារនិងផ្ទះសំណាក់ ក៏គេឲ្យដាក់ស្រោមអនាម័យដែរ។
បើលោកអ្នកគិតដល់អនាគត សូមកុំរួញរាក្នុងការប្រើស្រោមអនាម័យឲ្យសោះ។
0 comments:
Please add comment to express your opinion, and share it on Twitter or Facebook. Thank you in advance.