កាលពីលេខមុន Sabay បានចុះផ្សាយមករួចមកហើយពី iCould ដែលជាកំណែប្រែថ្មីមួយរបស់ប្រព័ន្ធប្រតិបត្តិការ iOS 5 តែពេលនេះ Sabay សូមលើកយកកំណែប្រែ iOS 5ថ្មីមួយទៀតដែលមានឈ្មោះថា iMessage មកបកស្រាយជូនប្រិយមិត្តវិញម្ដង។
iMessage គឺជាកម្មវិធីសម្រាប់ផ្ញើសារអនឡាញ (instant messenger) ដែលបានបង្កើតឡើងដោយក្រុមហ៊ុន Apple Inc. សម្រាប់ iOS 5 ។ កម្មវិធីនេះត្រូវបានប្រកាសជាសាកលដោយលោក Scott Forstall កាលពីថ្ងៃទី៦ ខែ មិថុនា ឆ្នាំ ២០១១ ក្នុងសន្និសីទ Devlopers ទូទាំងពិភពលោករបស់ Apple (WWDC) ។
លក្ខណៈពិសេសរបស់ iMessage គឺអនុញ្ញាតឲ្យអ្នកប្រើប្រាស់ iOS 5ទាំងអស់អាចផ្ញើសារ រូបភាព វីដេអូ ព័ត៌មាន និង សារជាក្រុម លើប្រព័ន្ធ Wi-Fi ឬ 3G ទៅកាន់អ្នកប្រើប្រាស់ iOS 5 ដទៃទៀតក្នុងរយៈពេលតែមួយពព្រិចភ្នែកប៉ុណ្ណោះ។ លើសពីនេះទៀតអ្នកប្រើប្រាស់ iMessage ទាំងអស់អាចឃើញអ្នកប្រើប្រាស់ iMessage ម្នាងទៀតកំពុងសរសេរសារបានដោយមានសញ្ញា (…) ជាសម្គាល់ ព្រមទាំងអាចចាប់ផ្ដើមសន្ទនាដោយប្រើ iOS device ណាមួយរួចបន្តការសន្ទនាទាំងនោះជាមួយ iOS device ផ្សេងទៀតក៏បាន។
សូមបញ្ជាក់ថាកម្មវិធី iMessage អាចដំណើរការលើ iPhone, iPad, ឬ iPod touch ដែលបានដំឡើង iOS 5 ហើយអ្នកប្រើប្រាស់ទាំងអស់អាច register email addresses មួយ ឬ ច្រើន ជាមួយ Appleតែមានករណីពិសេសមួយចំពោះអ្នកប្រើប្រាស់ iPhone ដែលតម្រូវឲ្យចុះឈ្មោះដោយប្រើលេខទូរស័ព្ទជាមួយ Apple។
រូបភាព៖ www.apple.com
0 comments:
Please add comment to express your opinion, and share it on Twitter or Facebook. Thank you in advance.