គេហទំព័រ GSMArena បានឲ្យដឹងកាលពីពេលថ្មីៗនេះថា ទូរស័ព្ទ CloudMobile ដែលដំណើរការដោយ Android របស់ Acer បានឈ្នះពាន iF design ខាងការរចនាទៅហើយ ខណៈដែលទូរស័ព្ទមិនទាន់បង្ហាញខ្លួនផង។
Acer CloudMobile ត្រូវបានរាយការណ៍ថាមានអេក្រង់ HD ទំហំ ៤,៣ អ៊ីញ, មាន Dolby sound, និងមានកម្រាស់តិចជាង ១០ ម.ម។ ចំពោះកម្មវិធីវិញ Acer CloudMobile ត្រូវបានឲ្យដឹងថានឹងដំណើរការដោយប្រព័ន្ធប្រតិបត្តិការ Android 4.0 Ice Cream Sandwich ហើយនឹងជាទូរស័ព្ទដំបូងបំផុតដែលប្រើបច្ចេកវិទ្យា Cloud របស់ Acer ផ្ទាល់។
Acer CloudMobile ត្រូវបានរំពឹងថានឹងបង្ហាញខ្លួននៅក្នុងព្រឹត្តិការណ៍សមាជទូរស័ព្ទពិភពលោក (MWC) នៅខែមិនាខាងមុខនេះ ហើយអាចនឹងចេញលក់នៅត្រីមាសទី ៣ ឆ្នាំនេះ៕
0 comments:
Please add comment to express your opinion, and share it on Twitter or Facebook. Thank you in advance.