24hPlus

ទោះបីជួបស្នេហ៍បរាជ័យ ពីរលើករួចទៅហើយក្តី តារាសម្តែង Christy Chung នៅតែមិនខ្លាចរអានឹងអាពាហ៍ពិពាហ៍លើក ទី៣នោះទេ ពោលគឺថ្មីៗ នេះនាងកំពុងតែមាន ទំនាក់ទំនងណាត់ជួបជាមួយ មហាសេដ្ឋីជំនួញក្រុង ហុងកុងម្នាក់ជាមួយ នឹងក្តីសង្ឃឹមថា នឹងបានជួបស្នេហ៍ពិត ។ បន្ទាប់ពីបានលែងលះស្វាមីទី២ ដែលជាតន្ត្រីករកាលពីឆ្នាំទៅមិញនេះ នាង Christy Chung មិនលះបង់ការព្យាយាមក្នុងការស្វែងរកគូកំណាន់ចិត្តសាជាថ្មីនោះទេ ហើយថ្មីៗនេះ គេបានឃើញនាងបណ្តើរគ្នាជាមួយនឹងមហាសេដ្ឋីជំនួញដែលមិនសូវ ល្បីឈ្មោះម្នាក់ គឺលោកអាន់ឌី ។

កាលពីថ្ងៃទី១៤ កុម្ភៈ ឆ្នាំ២០១២ ចំថ្ងៃបុណ្យនៃក្តីស្រឡាញ់នាង Christy និងកូនស្រីច្បងរបស់នាងគឺចាស្មីន អាយុ១៤ឆ្នាំ ព្រមទាំងលោក Andy បណ្តើរគ្នាត្រសងចូលទិញទំនិញក្នុងហាងទំនើបមួយ និងញ៉ាំអាហារពេលល្ងាចប្រកបទៅដោយមនោសញ្ចេតនាផ្អែមល្ហែម មុនពេលវិលត្រឡប់ទៅស្នាក់នៅក្នុងសណ្ឋាគារដ៏ប្រណីតមួយជាមួយនឹង កូនស្រី២នាក់ផ្សេងទៀតរបស់នាងដែលកំពុងរងចាំនៅទីនោះ ៕