Galaxy Beam៖ Projectorលើ​ទូរស័ព្ទ​ដៃ

កាល​ពី​ថ្ងៃ​អាទិត្យ​ម្សិលមិញ​នេះ​ក្រុមហ៊ុន Samsung បាន​បង្ហាញ​គ្រួសារ Galaxy ស៊េរី​ថ្មី​មួយ​ទៀត​ដែល​មាន​ឈ្មោះ​ថា Samsung Galaxy Beam ជា smartphone ដំបូងដែល​បាន​ភ្ជាប់​មក​ជាមួយ projector សម្រាប់​បង្ហាញ​រូបភាព​ទៅ​លើ​ផ្ទាំង​សំពត់​ស។ នេះ​ដោយ​យោង​ទៅ​តាម​គេហទំព័រ androidguys។

Galaxy Beam ថ្មី​នេះ​ជា​កំណែ​ប្រែ​ថ្មី​ចេញ​ពី Galaxy Beam ដែល​បាន​ចេញ​លក់​កាល​ពី ៣ឆ្នាំ​មុន តែ​បាន​បន្ថែម​នូវ​លក្ខណៈ​សម្បត្តិ​ជា​ច្រើន​ដែល​ធ្វើ​ឲ្យ smartphone ស៊េរី​ថ្មី​នេះ​កាន់​តែ​ទំនើប​មួយ​កម្រិត​ទៀត។

លក្ខណៈ​សម្បត្តិ​របស់  Galaxy Beam មាន​ដូច​ជា៖

- អេក្រង់​ទំហំ ៤អ៊ីញ resolution 480 x 800 WVGA display
- CPU dual-core ទំហំ 1GHz
- RAM ទំហំ 1GB
- កាមេរ៉ា​ក្រោយ​ទំហំ 5MP និង​មុខ​ទំហំ 1.3MP
- ប្រើ​ប្រព័ន្ធ​ប្រតិបត្តិការ Gingerbread (Android 2.3)
- ប្រើ BlueTooth ជំនាន់ 3.0
- ប្រើ MicroUSB, USB 2.0, រន្ធ​ដោត​កាស headset jackទំហំ ៣,៥ ម.ម
- ទំហំ​ផ្ទុក​ទិន្នន័យ8GB តែ​មាន​រន្ធ MicroSD សម្រាប់​បន្ថែម​ទំហំ​ដល់ 32GB
- ថ្ម​ប្រភេទ2000 mAh battery
-  Projector ប្រភេទ15 lumen អាច​បង្ហាញ​រូបភាព​គុណភាព HD ៥០ អ៊ីញ wide 720p

ប្រភព​ខាង​លើ​មិន​បាន​ប្រាប់​ពី​តម្លៃ និង​កាល​បរិច្ឆេទ​ចេញ​លក់​នៅ​ឡើយ​ទេ តែ​បាន​បញ្ជាក់​ថា​នឹង​ចេញ​លក់​ក្នុង​ពេល​ឆាប់ៗ​នេះ​ហើយ៕

រូបភាព៖ www.theverge.com

Share