Girls' Generation នៅតែគ្មានក្រុមណា អាចផ្តួលបាន

ប្រភពព័ត៌មាន បរទេសនានា បានឱ្យដឹងកាលពី ថ្ងៃទី២២ ខែកុម្ភៈ ឆ្នាំ២០១២ ថា បណ្តាញសង្គម Netizen បានបង្កើតឡើង នូវតារាងចំណាត់ថ្នាក់ថ្មី សម្រាប់ក្រុមចម្រៀងនារីទាំងអស់ ប្រចាំប្រទេសកូរ៉េខាងត្បូង។

ចំណាត់ថ្នាក់ក្រុមដែលស្ថិតនៅលើគេបំផុត គឺនៅតែជាក្រុម Girls' Generation ដោយសារក្រុមនេះ បានទទួល ជោគជ័យខ្លាំងទាំងនៅបណ្តាប្រទេសកូរ៉េ ជប៉ុន អឺរ៉ុប និងអាមេរិក។ ស្ថិតនៅក្រោមក្រុម Girls' Generatioin បន្ដិច គឺជាក្រុមល្បីមួយទៀត នោះគឺ 2NE1 ដែលទទួលប្រជាប្រិយភាពខ្លាំងទាំងនៅកូរ៉េ និងនៅតំបន់អឺរ៉ុប។

បន្ទាប់ពីក្រុមកំពូលទាំងពីរនេះ ក្រុមចំនួនបីផ្សេងទៀត បានឈរនៅបន្តបន្ទាប់គ្នា ដែលមានដូចជា T-ara, Wonder Girls និង KARA ដែលក្រុមទាំងបីនេះ សុទ្ធតែសកម្មដូចគ្នាក្នុងការសម្តែងនៅអាស៊ី ក៏ដូចជានៅអាមេរិក។

សរុបមកវិញ ចំណាត់ថ្នាក់ដែល netizens រៀបចំរួមមានជាអាទិ៍ Girls' Generation, 2NE1, T-ara, Wonder Girl, KARA,f(x), miss A, Brown Eyed Girls, SISTAR, Secret, After School, 4Minute,A Pink, Girls' Day, Rainbow និង Dal Shabet ផងដែរ៕

Share