ខណៈពេលការប្រកួត បវរកញ្ញាទូរទស្សន៍អាស៊ី ឆ្នាំ២០១១ជិតឈាន ចូលដល់វគ្គផ្តាច់ព្រ័ត្រ កាលពីថ្ងៃទី១៤ មករា ឆ្នាំ២០១២ បេក្ខនារីដែលមាន សំណាងឈានដល់វគ្គ ពាក់កណ្តាលផ្តាច់ព្រ័ត្រ បានស្លៀកពាក់ឈុតហែលទឹក ដើម្បីថតរូបបង្ហាញសម្រស់ ធម្មជាតិរបស់ពួកនាងនៅ លើឆ្នេរខ្សាច់នៅកោះ ហៃណាន ក្នុងស្ថានភាពអាកាសធាតុដ៏សែនត្រជាក់បោកបក់លើរាងកាយដ៏ទ្រលុកទ្រលន់របស់ពួកនាង ។ នេះបើយោងតាមគេហទំព័រchinabuzz.net ចេញផ្សាយកាលពីថ្ងៃទី១៥ មករា កន្លងមក ។
បេក្ខនារីចំនួន១០រូបដែលបានឈ្នះការប្រកួតវគ្គផ្តាច់ព្រ័ត្រនៅក្នុងកម្មវិធី Greater China Final ប្រារព្ធធ្វើនៅទីក្រុងហុងកុង កាលពីថ្ងៃទី២៩ ធ្នូ ឆ្នាំ២០១១ កន្លងមកនោះ នឹងត្រូវមកជួបជាមួយបេក្ខនារីចំនួន១០រូបទៀតដែលមកពីតំបន់ផ្សេងៗទៀត ។
ប្រភពបន្តថា វគ្គផ្តាច់ព្រ័ត្រនៃការប្រឡងបវរកញ្ញាទូរទស្សន៍អាស៊ីឆ្នាំ២០១១នេះ នឹងប្រព្រឹត្តទៅនៅថ្ងៃទី១៩ ខែមករា ឆ្នាំ២០១២ នៅកោះហៃណាន ខេត្តហៃណានប្រទេសចិន ។ សូមរង់ចាំអ៊ុតមើលថា តើបេក្ខនារីរូបស្រស់មួយណាដែលមានសំណាងបានគ្រងមកុដជាបវរកញ្ញា ATV Miss Aisa Pageant 2011 នេះ ៕
ដកស្រង់ ពីគេហទំព័រកោះសន្តិភាព
0 comments:
Please add comment to express your opinion, and share it on Twitter or Facebook. Thank you in advance.