យោងទៅតាមប្រភពព័ត៌មាន រ៉យទ័រចេញផ្សាយកាល ពីថ្ងៃអាទិត្យ ទី១៥ មករា ឆ្នាំ២០១២ បានឱ្យដឹងថា នាង Laura Kaeppeler បានគ្រងមកុដបវរកញ្ញាអាមេរិក ឆ្នាំ២០១២ ក្រោយពីផ្តួល បេក្ខនារីមកពី ៥៣ រដ្ឋផ្សេងៗគ្នា ។ ការប្រកួតនេះត្រូវបានរៀប ចំឡើងនៅក្នុងសណ្ឋាគារ Planet Hollywood Resort និង Casino ក្នុងទីក្រុងឡាស់វេហ្គាស រដ្ឋណេវ៉ាដា ។ ចំណែកឯចំណាត់ថ្នាក់លេខ២ បានទៅលើបវរកញ្ញា Betty Thompson មកពីរដ្ឋអូឡាហូម៉ា និងចំណាត់ថ្នាក់លេខ៣ បានទៅលើនាង Kaitlyn Monte មកពីក្រុងញ៉ូយ៉ក ។
រយៈពេល២ម៉ោងនៃការប្រកួតប្រជែងនាង Laura Kaeppeler វ័យ២៣ឆ្នាំ មកពីរដ្ឋ Wisconsin បានបង្ហាញទេពកោសល្យច្រៀងចម្រៀងអូប៉េរ៉ា ការដើរបង្ហាញម៉ូដឈុតប៊ីគីនី ឈុតអាពាហ៍ពិពាហ៍ និងសម្លៀកបំពាក់ឈុតផ្សេងៗទៀតបានទាក់ទាញការគាំទ្រយ៉ាងខ្លាំងពីគណៈកម្មការ និងទស្សនិកជនដែលចូលរួមទស្សនាយ៉ាងច្រើនកុះករ ។ ជាមួយនឹងការរំភើបរហូតដល់ស្រក់ទឹកភ្នែកក្នុងការបំពាក់មកុដនាង Laura បាននិយាយថា ៖ ខ្ញុំសូមសម្តែងការដឹងគុណដ៏ជ្រាលជ្រៅចំពោះគណៈកម្មការ និងអ្នកគាំទ្រទាំងអស់ដែលបានផ្តល់តម្លៃឱ្យខ្ញុំបានគ្រងមកុដបវរកញ្ញាអាមេរិកនៅឆ្នាំ២០១២នេះ ។
នាងបានបន្តទៀតថា ៖ បវរកញ្ញាអាមេរិកនឹងតំណាងឱ្យប្រជាពលរដ្ឋគ្រប់ៗគ្នា ហើយនៅក្នុងស្ថានភាពសេដ្ឋកិច្ចដ៏លំបាកនេះអ្នកនយោបាយគួរតែសំឡឹងនូវអ្វីដែលប្រជាពលរដ្ឋអាមេរិកត្រូវការ ហើយក្នុងនាមខ្ញុំជាបវរកញ្ញាម្នាក់ខ្ញុំផ្តល់យោបល់ឱ្យអ្នកនយោបាយទាំងអស់យកចិត្តទុកដាក់ឱ្យបានច្រើនបំផុតចំពោះប្រជាពលរដ្ឋអាមេរិក ។ ជាមួយនឹងការទទួលបានមកុដបវរកញ្ញាឯករយៈពេល១ឆ្នាំ កញ្ញា Laura នឹងទទួលបានទឹកប្រាក់ចំនួន៥ម៉ឺនដុល្លារផងដែរ៕
ដកស្រង់ពីគេហទំព័រ កោះសន្តិភាព
0 comments:
Please add comment to express your opinion, and share it on Twitter or Facebook. Thank you in advance.