រាជធានីភ្នំពេញ ៖ នារីសង្ស័យសម្លាប់ក្មេងស្រីអាយុ៥ឆ្នាំ យកទៅបោះចោលនៅក្នុងបឹងកំប្លោកត្រូវសមត្ថកិច្ចស្រាវជ្រាវឃាត់ខ្លួនបានម្នាក់ហើយកាលពីរសៀលថ្ងៃទី៣១ មករា ២០១២ គឺរយៈពេលជាង៧ម៉ោងក្រោយពេលប្រទះឃើញសពក្មេងស្រី ។
ការឃាត់ខ្លួននេះបានធ្វើឡើងនៅផ្ទះរបស់នារីសង្ស័យស្ថិតក្នុងភូមិព្រែកតាឡុង សង្កាត់អង្រែក្រោម ខណ្ឌមានជ័យ ក្បែរកន្លែងកើតហេតុ ។ នារីសង្ស័យម្នាក់នេះឈ្មោះសៅ អាយុ២៤ឆ្នាំ កំពុងត្រូវបានសាកសួរនៅប៉ុស្តិ៍ប៉ូលិស។
គួររំលឹកថា សពក្មេងស្រីអាយុ៥ឆ្នាំ ម្នាក់ត្រូវជនមិនស្គាល់អត្តសញ្ញាណច្របាច់.កសម្លាប់ប្លន់យកក្រវិលមាសទម្ងន់៣ហ៊ុនរួចយកទៅទម្លាក់ចោលនៅក្នុងបឹងកំប្លោកដាច់ស្រយាលមួយស្ថិតក្នុងភូមិព្រែកតាឡុង សង្កាត់ចាក់អង្រែក្រោម ខណ្ឌមានជ័យ បណ្តាលឱ្យហើមស្អុយរលួយ ទើបគេប្រទះឃើញនាព្រឹកថ្ងៃទី៣១ មករា ២០១២ ។
សពក្មេងស្រីរងគ្រោះនេះមានឈ្មោះរឿន ស្រីល័ក្ខ អាយុ៥ឆ្នាំ មានទីលំនៅភូមិ-សង្កាត់ខាងលើ ។ មុនពេលប្រទះឃើញសពកុមារីរូបនេះឪពុកម្តាយបានមកប្តឹងសមត្ថកិច្ចមូលដ្ឋានអំពីការបាត់ក្មេងស្រីតាំងពីថ្ងៃទី២៧ មករា ២០១២ មកម៉្លេះ ប៉ុន្តែប្រតិបត្តិការចុះស្រាវជ្រាវរកក្មេងស្រីរងគ្រោះនេះពុំមានពន្លឺណាមួយឡើយ។ លុះមកដល់ព្រឹកថ្ងៃទី៣១ មករា អ្នករកត្រីម្នាក់ឈ្មោះចក បានប្រទះឃើញសពក្មេងស្រីនៅក្នុងបឹងកំប្លោកឡើងហើមស្អុយរលួយ ទើបមានការភ្ញាក់ផ្អើលឆោឡោដល់អាណាព្យាបាលដែលបាត់ក្មេងមកពិនិត្យមើលឃើញថា ពិតជាកូនស្រីរបស់ខ្លួន ក៏នាំគ្នារាយការណ៍ទៅសមត្ថកិច្ចមូលដ្ឋានចុះទៅពិនិត្យ ។
តាមការអះអាងរបស់លោករុង រស្មី អាយុ២៩ឆ្នាំដែលជាឪពុកក្មេងស្រីរងគ្រោះ បានឱ្យដឹងថា កូនរបស់គាត់ត្រូវជនមិនស្គាល់អត្តសញ្ញាណនាំយកទៅសម្លាប់ ដោយប្លន់យកក្រវិលមាសមួយគូទម្ងន់៣ហ៊ុន ៕ ប្រភព
0 comments:
Please add comment to express your opinion, and share it on Twitter or Facebook. Thank you in advance.