កាលពីថ្ងៃទី១១ មករា ចិនបានព្រមានអាមេរិកថា មិនត្រូវប្រើប្រាស់សាសនាធ្វើជាលេសដើម្បីជ្រៀតជ្រែកចូលកិច្ចការ ផ្ទៃក្នុងរបស់ចិននោះឡើយ។ ហេតុការណ៍ កើតឡើងក្រោយពេលទីក្រុងវ៉ាស៊ីនតោន បង្ហាញការព្រួយបារម្ភពីការធ្វើអត្ដឃាតដុតខ្លួនឯងរបស់ជនជាតិទីបេ កាន់តែកើនឡើងខ្ពស់រយៈពេលកន្លងមក ។យ៉ាងហោចណាស់ក៏មានបព្វជិត និងដូនជី ១៥នាក់បានធ្វើអត្ដឃាតដុតខ្លួនឯងនៅឆ្នាំ២០១១ ក្នុងតំបន់ទីបេ ។ ក្រសួងការបរទេសអាមេរិកបានបង្ហាញការព្រួយបារម្ភយ៉ាងខ្លាំងចំពោះព័ត៌មានពីការដុតសម្លាប់ខ្លួនរបស់បព្វជិតនិង ដូនជីទាំងនោះ។ តាមអ្នកនាំពាក្យក្រសួង ការបរទេសអាមេរិកលោកស្រីវីកថឺរៀ ណូឡែន បានបញ្ជាក់ថា ការធ្វើអត្ដ ឃាតរបស់បព្វជិតទីបេបានបង្ហាញយ៉ាងច្បាស់ពីការខឹងសម្បាខកចិត្ដទៅលើ រដ្ឋាភិបាលចិនដែលកាត់បន្ថយសិទ្ធិសេរី ភាពសាសនានិងសិទ្ធិមនុស្សនៅទីនោះ ។
ប្រតិកម្មចំពោះសកម្មភាពខាងលើរបស់អាមេរិក អ្នកនាំពាក្យក្រសួងការបរទេសចិន លោកលីវ វីមីន បញ្ជាក់ថា រដ្ឋាភិបាលចិន “គោរព និងការពាររាល់ផលប្រយោជន៍ និងសិទ្ធិសេរីភាពជាមូលដ្ឋានរបស់ជនជាតិ ក្នុងនោះមានទាំងសិទ្ធិជំនឿសាសនាទៀតផង” ។ លោកលីវ បន្ដទៀតថា យើងប្រឆាំងយ៉ាងដាច់អហង្ការាល់ការប្រើប្រាស់ជំនឿសាសនាក្នុងគោលដៅជ្រៀតជ្រែកចូលកិច្ចការ ផ្ទៃក្នុងរបស់ចិននោះ ។
លោកលីវ វីមីន បញ្ជាក់ទៀតថា ការធ្វើអត្ដឃាតដុតសម្លាប់ខ្លួននាពេលកន្លងមកបានបង្ហាញពីគោលបំណងរបស់ពលរដ្ឋទីបេ ដែលចង់មានជីវិតរស់នៅដោយសន្ដិភាព ។
ចិនបានចោទប្រកាន់ដល់អ្នកដែលគាំទ្រមេដឹកនាំស្មារតីរបស់ទីបេ គឺសម្ដេចសង្ឃដាឡៃឡាម៉ា ដែលបានជម្រុញឱ្យមានការធ្វើអត្ដឃាតដុតខ្លួនខាងលើ ។
បញ្ហាទីបេ ជាចំណុចសំខាន់មួយបង្កឱ្យមានវិវាទតានតឹងរវាងអាមេរិក នឹងចិន ។ ទីក្រុងប៉េកាំងបង្ហាញការខឹងសម្បាយ៉ាងខ្លាំងនាពេលកន្លងមកពេលដែលអាមេរិកស្វាគមន៍សម្ដេចសង្ឃដាឡៃឡាម៉ាយ៉ាងកក់ក្ដៅនោះ ។
កន្លងមក ចិនបង្ហាញការខឹងសម្បា យ៉ាងខ្លាំង ពេលដែលប្រធានាធិបតី អាមេរិក អនុញ្ញាតឱ្យសម្ដេចសង្ឃ ដាឡៃ ឡាម៉ា ចូលជួប ។
សារព័ត៌មានប៊ីប៊ីស៊ីបានផ្សព្វផ្សាយ ក្រោយពេលទទួលបានព័ត៌មានថា ប្រធា នាធិបតីអាមេរិក បារ៉ាក់ អូបាម៉ាមាន គម្រោងជួបពិភាក្សាជាមួយមេដឹកនាំ ចិត្ដសាស្ដ្រដែលមានឥទ្ធិពលបំផុតរបស់ ជនជាតិទីបេ គឺសម្ដេចសង្ឃដាឡៃឡា ម៉ានៅថ្ងៃទី១៦ កក្កដា ។ ចិនបង្ហាញការ ខឹងសម្បាយ៉ាងខ្លាំង ហើយប្រឆាំងយ៉ាង ដាច់អហង្ការនូវជំនួបទាំងនោះ ។ ទីក្រុង ប៉េកាំងអំពាវនាវទីក្រុងវ៉ាស៊ីនតោនឱ្យ លុបចោលជាបន្ទាន់នូវជំនួបពិភាក្សា នោះ ដោយទីក្រុងប៉េកាំងព្រមានថា ជំនួបនោះនឹងបំផ្លាញដល់ទំនាក់ទំនងដ៏ល្អ ប្រសើររវាងអាមេរិកនិងចិន ។
កន្លងមក នៅថ្ងៃទី១៥ កក្កដា សេត វិមានបានប្រកាសថា ប្រធានាធិបតី បារ៉ាក់ អូបាម៉ានឹងជួបពិភាក្សាជាមួយ សម្ដេចសង្ឃដាឡៃឡាម៉ានៅថ្ងៃទី១៦ កក្កដា ។ នេះជាជំនួបដំបូងគេបង្អស់រវាង ប្រធានាធិបតីអូបាម៉ាជាមួយមេដឹកនាំ ចិត្ដសាស្ដ្ររបស់ជនជាតិទីបេក្នុងរយៈ ពេលជាងមួយឆ្នាំកន្លងមកនេះ ។
សេចក្ដីប្រកាសព័ត៌មានខាងលើធ្វើឱ្យ ចិនខឹងសម្បាយ៉ាងខ្លាំង ។ អ្នកនាំពាក្យ ក្រសួងការបរទេសចិន លោកហុង លី បានប្រកាសថា “យើងខ្ញុំប្រឆាំងយ៉ាង ដាច់អហង្ការរាល់ជំនួបពិភាក្សាណាមួយ រវាងមន្ដ្រីជាន់ខ្ពស់នៅបរទេសជាមួយ សម្ដេចសង្ឃដាឡៃឡាម៉ា” ។ អ្នកនាំ ពាក្យរូបនោះបន្ដទៀតថា ចិនអំពាវនាវ អាមេរិកឱ្យលុបចោលគម្រោងជួប ពិភាក្សារវាងអូបាម៉ានិងដាឡៃឡាម៉ា កាន់តែឆាប់កាន់តែល្អ ហើយអាមេរិក នឹងមិនធ្វើអ្វីជ្រៀតជ្រែកចូលកិច្ចការផ្ទៃ ក្នុងរវាងចិននិងទីបេ អាចបង្កផលប៉ះ ពាល់យ៉ាងខ្លាំងដល់ទំនាក់ទំនងទ្វេភាគី អាមេរិក-ចិន ៕
0 comments:
Please add comment to express your opinion, and share it on Twitter or Facebook. Thank you in advance.