ខេត្ដកំពង់ស្ពឺ ៖ លោកនុត សាអាន រដ្ឋលេខាធិការក្រសួងមហាផ្ទៃ និងជា ប្រធានក្រុមការងារទី១០ ក្នុងការចាត់ តាំងអនុវត្ដគោលនយោបាយភូមិឃុំមានសុវត្ថិភាពជួយខេត្ដកំពង់ស្ពឺ និងខេត្ដកោះ កុងអមដំណើរដោយសមាជិកក្រុមការងារនិងមានការចូលរួមពីលោក យឹម សុខុម ប្រធានក្រុមប្រឹក្សាខេត្ដ លោក កង ហ៊ាង អភិបាលនៃគណៈអភិបាលខេត្ដ និងជាប្រធានគណៈបញ្ជាការឯកភាពខេត្ដ ។ កិច្ចប្រជុំបូកសរុបលទ្ធផលនេះ ប្រព្រឹត្ដទៅកាលពីព្រឹកថ្ងៃទី១២ខែមករាឆ្នាំ ២០១២ នៅសាលាខេត្ដកំពង់ស្ពឺ ។លោក កង ហ៊ាង អភិបាលនៃគណៈអភិបាលខេត្ដ និងជាប្រធានគណៈបញ្ជាការ ឯកភាពខេត្ដបានសម្ដែងនូវការកោត សរសើរចូលរួមសហការនៅគ្រប់ថ្នាក់ គ្រប់ផ្នែកនិងមានការចូលរួមយ៉ាង សកម្មពីប្រជាពលរដ្ឋក្នុងការយាមកាម ការពារទ្រព្យសម្បត្ដិសាធារណៈនិងទ្រព្យសម្បត្ដិរបស់ប្រជាពលរដ្ឋបានធ្វើឱ្យការអនុវត្ដគោលនយោបាយភូមិឃុំមាន សុវត្ថិភាពរក្សាបានស្ថិរភាពខាងនយោ បាយសន្ដិសុខសណ្ដាប់ធ្នាប់សាធារណៈ និងមានការថយចុះរាល់បទល្មើសផ្សេងៗ ក្នុងចំណុចទាំង៥យ៉ាងនៃលក្ខណៈសម្បត្ដិ ភូមិឃុំមានសុវត្ថិភាព ។
តាមរបាយការណ៍បូកសរុបសភាព ការណ៍របស់លោកឧត្ដមសេនីត្រីយ៍ កែវ ពិសីស្នងការនគរបាលខេត្ដបានឱ្យដឹង ថា ផ្អែកលើលក្ខណៈសម្បត្ដិ៥យ៉ាង ក្រោយ ការអនុវត្ដន៍ផែនការភូមិឃុំមានសុវត្ថិភាពក្នុងរយៈពេល១ឆ្នាំពិនិត្យឃើញ បទល្មើសព្រហ្មទណ្ឌកើតមាន៨៧លើក លើ៩៥លើកប្រៀបធៀបទៅនឹងឆ្នាំ២០១០ ថយចុះ៨លើក ។ ក្នុងនោះបទឧក្រិដ្ឋកើត មាន១៩លើកលើ១៩លើក ។ បទមជ្ឈឹម កើតមាន៦៨លើកលើ៧៦លើក ក្រៅពី នេះបទល្មើសអាណាចារជួញដូរស្ដ្រី និង កុមារ គ្រឿងញៀនល្បែងស៊ីសងនិងប្រើ ប្រាស់អាវុធខុសច្បាប់ពុំមានសកម្មភាពកើតឡើង ។
រាល់បទល្មើសទាំងនេះ ដោយមាន កិច្ចសហការល្អពីក្រុមការងារគ្រប់ថ្នាក់ និងមានការចូលរួមពីប្រជាពលរដ្ឋបង្ក្រាបជាក់ស្ដែងបាន៣៦ករណីឃាត់ខ្លួនជន ល្មើស៤៤នាក់ក្នុងនោះមានបទឧក្រិដ្ឋ បង្ក្រាបបាន៦ករណីឃាត់ខ្លួនជនល្មើស ៦នាក់ ។ បទមជ្ឈិមបង្ក្រាបបាន៥៧ ករណី ឃាត់ខ្លួនជនល្មើស៦៧នាក់ ។ បង្ក្រាបដោយស៊ើបអង្កេតបាន៣៦ករណី ឃាត់ខ្លួនជនល្មើសបាន៣១នាក់ ។ ដក ហូតវត្ថុតាងបានអាវុធអាកា១ដើម បង់២ គ្រាប់ចំនួន៧ កាំបិត២ ដំបង៥ កំណាត់ពូថៅ១ ទូរស័ព្ទដៃ៥គ្រឿង វិទ្យុ ទាក់ទង១១គ្រឿង ។ កង់១ម៉ូតូ១៩គ្រឿង ដាវ១ គោ១ក្បាលនិងសម្ភារមួយចំនួន បានបញ្ជូនទៅព្រះរាជអាជ្ញាអមសាលា ដំបូងខេត្ដកំពង់ស្ពឺចាត់ការតាមនីតីវិធី ។
កិច្ចប្រជុំបានចូលរួមពិភាក្សាពីលោកអភិបាលក្រុងស្រុកបានផ្ដោតសំខាន់ស៊ី ជម្រៅលើខ្លឹមសារ៥យ៉ាងរបស់គោល នយោបាយ ភូមិឃុំ មានសុវត្ថិភាព និងរក វិធានបង្ការទប់មុនពេលកើតបទល្មើស ។
លោក នុត សាអាន បានផ្ដាំផ្ញើដល់ អង្គប្រជុំត្រូវលើកកំពស់តួនាទីដឹកនាំ របស់គណៈបញ្ជាការឯកភាពគ្រប់ថ្នាក់ ធ្វើយ៉ាងណាត្រូវចេះប្រើប្រាស់កំលាំង សរុបមធ្យោបាយសរុបនិងវិធានការសរុប រួមសហការល្អចុះស៊ើបអង្កេតមុខសញ្ញារាល់បទល្មើសដែលកើតមាននៅក្នុង មូលដ្ឋាននិងសមាសភាពចែកចាយនិងប្រើប្រាស់គ្រឿងញៀនការប្រព្រឹត្ដអំពើ អនាចារក្មេងទំនើងអំពើហិង្សាក្នុងគ្រួសារ និងមុខសញ្ញាលេងល្បែងស៊ីសងនិងប្រើ ប្រាស់អាវុធខុសច្បាប់ ។
ទន្ទឹមនេះក្រុមការងារនិងអភិបាលក្រុងស្រុកត្រូវយកចិត្ដទុកដាក់ពង្រឹងដល់ឃុំ សង្កាត់បន្ដធ្វើកិច្ចសន្យាជាមួយឪពុកម្ដាយឬអាណាព្យាបាលចំពោះក្មេងទំនើង ដើម្បី កែប្រែនិងកំណត់មុខសញ្ញាជនល្មើសតាមចាប់មុខសញ្ញាមេខ្លោងកសាងសំណុំរឿង នឹងបញ្ជូនទៅព្រះរាជអាជ្ញាអមសាលា ដំបូងខេត្ដចាត់ការតាមនីតិវិធី ៕
0 comments:
Please add comment to express your opinion, and share it on Twitter or Facebook. Thank you in advance.