បច្ចុប្បន្ន ពិភពលោកទាំងមូលកំពុង ធ្លាក់ក្នុងដំណាក់កាលប្រកួតប្រជែងសព្វា វុធយ៉ាងគគ្រឹកគគ្រេងជាងគេបំផុត ក្រោយពីសង្គ្រាមលោកលើកទី២ ដោយ ប្រទេសជាច្រើនបានចំណាយប្រាក់រាប់ រយពាន់លានដុល្លារសម្រាប់វិស័យសព្វាវុធនិងការពារជាតិរបស់ខ្លួន ក្នុងពេល ដែលប្រទេសមួយចំនួនកំពុងមានវិវាទ នៅតាមបន្ទាត់ព្រំដែនទាំងដែនទឹក ដែន គោក និងដែនអាកាសផងដែរ ។វិស័យឧស្សាហកម្មការពារជាតិ ក្លាយទៅជាទិសដៅសំខាន់ៗរបស់បណ្ដា ប្រទេសកំពុងអភិវឌ្ឍ នៅពេលដែល ប្រទេសរបស់ខ្លួនកំពុងមានវិវាទជាមួយ ប្រទេសជិតខាងពាក់ព័ន្ធនឹងខ្សែបន្ទាត់ ព្រំដែន ។ ទាំងនោះហើយដែលធ្វើឱ្យ ប្រទេសដែលពាក់ព័ន្ធចាំបាច់ត្រូវតែ ពង្រឹងសមត្ថភាពយោធារបស់ខ្លួន ហើយបង្កើនការទិញនិងផលិតសព្វាវុធ ទំនើបៗជាច្រើនសម្រាប់ការពារនិង វាយលុកដល់សត្រូវឈ្លានពាន ។
ការប្រកួតប្រជែងសព្វាវុធកាន់តែ ខ្លាំងក្លានោះស្ថិតនៅតំបន់អាស៊ីដោយទី នេះសម្បូរទៅដោយធនធានធម្មជាតិ មិនទាន់បានប្រើប្រាស់ ។ ប្រភពធនធាន នោះជាមូលហេតុបង្កឱ្យមានវិវាទនិង ការឈ្លានពានណាមួយកើតឡើងនៅថ្ងៃ អនាគត ។
ដូចជាការវិវាទដែនសមុទ្រខាងត្បូង រវាងប្រទេសចិននិងបណ្ដាប្រទេសក្នុង សហគមន៍អាស៊ាន អ្នកឯកទេសបានរក ឃើញប្រភពធនធានធម្មជាតិដ៏សម្បូរ បែបនៅតំបន់សមុទ្រនោះដែលអាច ជួយឱ្យសេដ្ឋកិច្ចប្រទេសនីមួយៗរីក ចម្រើនលើសពីការស្មាន ។
ហេតុនោះ ហើយប្រទេសដែលនៅជិតខាងតែង ប្រកាសថាតំបន់ទាំងនោះស្ថិតក្នុងអធិប តេយ្យរបស់ខ្លួន ធ្វើឱ្យគ្មានការដោះ ស្រាយណាមួយពិតប្រាកដនិងច្បាស់ លាស់នោះឡើយ។ ដោយហេតុនេះ ក្រុម អ្នកវិភាគយល់ឃើញថា អាចនឹងមាន សង្គ្រាមដណ្ដើមធនធានធម្មជាតិនៅ តំបន់អាស៊ីនាថ្ងៃអនាគត បង្ខំឱ្យប្រទេស ទាំងនោះត្រូវតែខិតខំអភិវឌ្ឍកម្លាំង យោធារបស់ខ្លួនលើគ្រប់វិស័យនិងខិតខំ ទិញ ផលិតសព្វាវុធទំនើបៗសម្រាប់ ការពារទីតាំងដែលខ្លួនចាត់ទុកថាស្ថិត ក្នុងអធិបតេយ្យរបស់ខ្លួន ។
នៅពេលដែលវិវាទដែនសមុទ្រខាង ត្បូងផ្ទុះឡើង ប្រទេសនៅតំបន់អាស៊ាន ដែលមានវិវាទដូចជាចិន ហ្វីលីពីនបាន បង្កើនការទិញសព្វាវុធទំនើបៗសម្រាប់ ផ្គត់ផ្គង់ដល់កម្លាំងទាហានរបស់ខ្លួន ក្រោមការជួយជ្រោមជ្រែងពីសហរដ្ឋ អាមេរិក ។ ពាក់ព័ន្ធនឹងវិវាទដែនសមុទ្ទ វៀតណាមនឹងទិញនាវាមុជទឹកពីរុស្ស៊ី ដែលមានទឹកប្រាក់រាប់ពាន់លានដុល្លារ នូវនាវាមុជទឹក៦គ្រឿង ។ រុស្ស៊ីនឹងផ្ដល់ នាវាមុជទឹកដល់វៀតណាមនៅឆ្នាំ ២០១៤នេះ ។ ក្នុងពេលជាមួយគ្នានោះ ដែរ វៀតណាមបានបំពាក់នាវាចម្បាំង នាវាយាមល្បាតបំពាក់ដោយអាវុធ ទំនើបៗជាច្រើនសម្រាប់ការពារពេល មានហេតុការណ៍អាក្រក់កើតឡើងនៅ លើដែនសមុទ្រដែលមានវិវាទ ហើយ ដែនសមុទ្រនោះធ្លាប់ផ្ទុះសង្គ្រាមម្ដងរួច មកហើយជាមួយចិនក្នុងអំឡុងទសវត្ស ១៩៨០ ។
ក្រៅពីនេះ ប្រទេសហ្វីលីពីននិង ប្រទេសជាច្រើនទៀតក៏បានជំរុញដៃគូ របស់ខ្លួនផ្ដល់សព្វាវុធទំនើបៗឱ្យបាន ទាន់ពេលវេលា ហើយប្រទេសដែលជា ដៃគូដូចជាអាមេរិកនោះក៏បានសន្យាថា នឹងផ្ដល់សព្វាវុធជាច្រើនឱ្យទៅប្រទេស ហ្វីលីពីនផងដែរ ។
តាមអ្នកវិភាគព្រឹត្ដិការណ៍ពិភព លោក ពេលនេះអាមេរិកកំពុងខិតខំ ជំរុញឱ្យបណ្ដាប្រទេសជាសម្ពន្ធមិត្ដ របស់ខ្លួនអភិវឌ្ឍសព្វាវុធ កម្លាំងយោធា ឱ្យទាន់សម័យកាល ដោយជំរុញឱ្យមាន ការធ្វើសមយុទ្ធជាច្រើនសម្រាប់ស៊ាំទៅ នឹងអាវុធថ្មីៗដែលមានបច្ចេកវិទ្យាខ្ពស់ នោះ ។
ចំណែកចិនក៏ដូច្នោះដែរ នៅពេល ដែលខ្លួនក្លាយជាមហាអំណាចសេដ្ឋកិច្ច ទី២នៅលើពិភពលោក ចិនខិតខំអភិវឌ្ឍ កម្លាំងយោធារបស់ខ្លួនក្នុងល្បឿនលឿន បំផុត ធ្វើឱ្យអាមេរិកព្រួយបារម្ភយ៉ាង ខ្លាំង ពិសេសកម្លាំងជើងទឹករបស់ចិននា ពេលបច្ចុប្បន្ន ។
ពាក់ព័ន្ធទៅនឹងវិស័យឧស្សាហកម្ម សព្វាវុធ ក្រសួងការពារជាតិប្រទេស ដែលទទួលបានផលចំណេញជាងគេ បំផុតនៅលើពិភពលោកនោះគឺអាមេរិក ចិន និងរុស្ស៊ី ដោយសារតែរាល់ពេល ដែលអាមេរិកមានវិវាទជាមួយប្រទេស ណា ឬធ្វើសង្គ្រាមទៅលើប្រទេសណា មួយនោះ ចិនជាប្រទេសដែលមានកិច្ច សហប្រតិបត្ដិការលក់សព្វាវុធជាច្រើន ឱ្យទៅប្រទេសទាំងនោះ ដោយចិនយល់ ឃើញថា ប្រទេសដែលជាសត្រូវរបស់ អាមេរិកជាសម្ពន្ធមិត្ដដ៏សំខាន់របស់ចិន លើគ្រប់វិស័យ ដូច្នេះចិនមិនអាចបោះ បង់បណ្ដាប្រទេសទាំងនោះបានឡើយ ។
ផ្ទុយទៅវិញ នៅពេលដែលចិនមាន វិវាទជាមួយប្រទេសជិតខាងណាមួយ នោះ ប្រទេសទាំងនោះប្រែក្លាយជាទីផ្សារ ដ៏មានសារៈសំខាន់សម្រាប់លក់សព្វា- វុធរបស់អាមេរិក ។
សរុបសេចក្ដីមក អាមេរិកនិងចិន រួមទាំងប្រទេសមហាអំណាចមួយចំនួន ទៀតទទួលបានផលចំណេញពីវិស័យ ឧស្សាហកម្មសព្វាវុធជាច្រើនមហា សាលជាងវិស័យនានាទាំងអស់។ មនុស្ស មួយចំនួនបានដាក់សំណួរថា ការបង្កឱ្យ មានភាពតានតឹងនៅក្នុងតំបន់នីមួយៗ ជាគោលនយោបាយរបស់ប្រទេសមហា អំណាចឬ? ដើម្បីខ្លួនលក់បាននូវសព្វា-វុធយ៉ាងច្រើនសន្ធឹកសន្ធាប់ ។
ជាក់ស្ដែង នៅពេលដែលអាមេរិក បានផ្អាកជំនួយដល់ប៉ាគីស្ថាន ចិនបាន ផ្ដល់យ៉ាងច្រើនសន្ធឹកសន្ធាប់ដល់ប៉ាគី ស្ថាន ក្នុងនោះមានទាំងកិច្ចសហប្រតិ- បត្ដិការផលិតនាវាចម្បាំងបំពាក់កាំជ្រួច មីស៊ីលទំនើបៗឱ្យទៅប៉ាគីស្ថានដែល មានទឹកប្រាក់រាប់ពាន់លានដុល្លារ ហើយ ចិនក៏បានសន្យាអភិវឌ្ឍហេដ្ឋារចនា- សម្ព័ន្ធគ្រប់វិស័យដល់ប៉ាគីស្ថានទៀត ផង ។
ចំពោះអាមេរិកក៏ដូច្នោះដែរ បានចុះ កិច្ចព្រមព្រៀងលក់សព្វាវុធជាច្រើនឱ្យ ទៅប្រទេសជិតខាងចិននិងប៉ាគីស្ថាន ដូចជាឥណ្ឌានូវប្រភេទសព្វាវុធនិងយន្ដ ហោះចម្បាំងទំនើបៗ ។
បច្ចុប្បន្ន ប្រទេសមហាអំណាច បរមាណូទាំង៤ អាមេរិក ឥណ្ឌា ប៉ាគី ស្ថាននិងចិនកំពុងតែពង្រឹងចំណងមិត្ដ- ភាពគ្នាទៅវិញទៅមកក្នុងគោលដៅ បង្កើនការការពារពីការវាយប្រហារ ណាមួយ ។ ដូចជាយើងបានដឹងស្រាប់ ហើយថា ឥណ្ឌាជាសត្រូវជាមួយប៉ាគី- ស្ថាន និងជាសត្រូវរបស់ចិនផងដែរ ដោយឥណ្ឌាមានជម្លោះព្រំដែនជាមួយ ប៉ាគីស្ថាននិងចិនជាច្រើនទសវត្សកន្លង មកហើយនៅតែមិនទាន់អាចដោះស្រាយ បាន ហើយការប្រកួតប្រជែងសព្វាវុធ នាពេលបច្ចុប្បន្ននឹងធ្វើឱ្យសភាពការណ៍ក្នុងតំបន់កាន់តែតានតឹងថែមទៀត ៕
0 comments:
Please add comment to express your opinion, and share it on Twitter or Facebook. Thank you in advance.